Парчами давлатӣ имкон дод, ки ба таърихи гузаштаамон бо чашми ибрат нигоҳ намоем,-бардошт аз ҳамоиши тантанавӣ дар Суғд

Ноябрь 24, 2021 16:04

ДУШАНБЕ, 24.11.2021 /АМИТ «Ховар»/. Имрӯз  дар маркази вилояти Суғд-шаҳри Хуҷанд  ба муносибати Рӯзи Парчами давлатии Ҷумҳурии Тоҷикистон ҳамоиши тантанавӣ доир гардид, иттилоъ доданд аз Хадамоти матбуоти Раиси вилояти Суғд ба АМИТ «Ховар».

Раиси вилояти Суғд Раҷаббой Аҳмадзода иброз дошт, ки “таърих шаҳодат медиҳад, ки парчамбардорӣ барои аҷдодони мо – тоҷикон, ҳанўз аз замонҳои дури таърих оғоз шуда, хосияти бузурги тарбиявию ахлоқӣ дорад. Имрўз мардуми мо ба асолати таърихӣ ва таъсири маънавии Парчами давлатӣ ҳамчун зуҳуроти бисёр муҳиму арзишманди миллӣ эътиқод ва эътимод пайдо карданд.

Моҳи апрели соли 2014 дар назди бинои Мақомоти иҷроияи ҳокимияти давлатии вилояти Суғд бо иштироки  Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон Парчами давлатӣ дар пояи баландиаш 55 метр парафшон гардид.

Барои тақвият бахшидани эҳсоси худшиносию худогоҳии ҳамватанон дар аксари шаҳру ноҳияҳои вилоят майдонҳои Парчами давлатӣ ба истифода дода шуда, дар назди онҳо баргузор намудани чорабиниҳои гуногуни сиёсию фарҳангӣ аҳамияти зиёди тарбиявию ахлоқӣ дорад”.

Парчами давлатӣ ба мо имкон дод, ки ба мазмуну моҳияти ҳаёти худ бо диди нав назар андозем. Ба таърихи гузаштаамон бо чашми ибрат нигоҳ карда, ба сӯи ояндаи дурахшони давлату миллат бо эътимоди қавӣ қадамҳои устувор гузорем.

Аз ҷониби аҳли фарҳанги вилояти Суғд барномаи ҳунарӣ намоиш дода шуд.

АКСҲО аз Хадамоти матбуоти Раиси вилояти Суғд

Ноябрь 24, 2021 16:04

Хабарҳои дигари ин бахш

Дар Душанбе бахшида ба Рӯзи байналмилалии мубориза бар зидди хушунат ҳамоиш доир мегардад
ПАРЧАМАТ БОДО ПАРАФШОН, ТОҶИКИСТОНИ АЗИЗ! Дар вазорату идораҳои Тоҷикистон Рӯзи Парчами давлатӣ бошукӯҳ таҷлил гардид
Алишер Мирзонабот: Ниёгони тоҷикон ҳанӯз аз давраҳои бостон оини парчамсозиву парчамдориро гиромӣ медоштанд
Арҷгузорӣ ба Парчам ва ба ҷо овардани эҳтироми он қарзи виҷдонии ҳар шаҳрванди Тоҷикистон аст
Вазорати тандурустӣ аз рӯзноманигорон даъват намуд, ки оид ба COVID-19 ва ваксинатсия маълумоти дуруст пешниҳод кунанд
Рамазон Раҳимзода: Парчам рамзи сулҳу субот ва сарҷамъии миллати тоҷик аст
Дар ноҳияи Шамсиддини Шоҳин ваколатдори шуъбачаи кофтукови ҷиноии ШВКД бо ҷурми қаллобӣ дастгир шуд
Ҷамолиддин Абдуллозода дар конференсия ва намоишгоҳ оид ба фанноварии иттилоотӣ дар соҳаи тандурустӣ дар Туркия сухан гуфт
Истифодаи нодурусти доруҳои зиддимикробӣ ба саломатии аҳолӣ хатар дорад,- бардошт аз ҳамоиш
Кумитаи дин: Гузориши Департаменти ИМА баёнгари вазъи воқеии таъмини ҳуқуқу озодиҳои динӣ дар Тоҷикистон нест
Бахшида ба Рӯзи Парчам ба зиёда аз 100 нафар поккорони шаҳри Хуҷанд кумак расонида шуд
Стратегияи рушди иҷтимоии аҳолии Ҷумҳурии Тоҷикистон то давраи соли 2030 мавриди баррасӣ қарор гирифт