Роҳбарони нави Федератсияи тенниси рӯи мизи Душанбе интихоб шуданд

Ноябрь 9, 2021 08:26

ДУШАНБЕ, 09.11.2021 /АМИТ «Ховар»/. Зокир Ахмедов раиси Федератсияи тенниси рӯи мизи шаҳри Душанбе ва Сайдулло Саидамиров ноиби раиси Федератсияи мазкур интихоб гардиданд. Бо дастгирии мақомоти иҷроияи ҳокимияти давлатии шаҳри Душанбе, Федератсияи тенниси рӯи мизи Тоҷикистон ва сарпарастон дар пойтахт як толори варзишии замонавӣ  сохта мешавад. Дар ин бора  зимни  конференсияи ҳисоботӣ-интихоботии Федератсияи тенниси рӯи мизи шаҳри Душанбе, ки  6 ноябр дар Кумитаи миллии олимпии Тоҷикистон баргузор шуд, иттилоъ дода шуд,  хабар медиҳад АМИТ «Ховар» бо истинод  ба Кумитаи миллии олимпии Тоҷикистон.

Тибқи рӯзномаи конференсияи ҳисоботӣ-интихоботӣ, дар аввал ҳисоботи раиси Федератсияи тенниси рӯи мизи шаҳри Душанбе Сайдулло Саидамиров ва комиссияи тафтишотӣ дар чорсолаи гузашта шунида шуд.

Зикр гардид, ки давоми чорсолаи гузашта мусобиқаҳои федератсия тибқи тақвим доир гардиданд. Муҳимтарин дастоварди варзишгарон медали биринҷии Бозиҳои ИДМ мебошад, ки 4-11 сентябр дар шаҳри Қазони Федератсияи Русия доир шуд. Аминҷон Мавлонов ва Ҷамшед Ҳасанов дар рақобати ҷуфти писарон сазовори ҷои сеюм шуданд.

Сипас, вакилон тариқи овоздиҳӣ роҳбарияти нави Федератсияи тенниси рӯи мизи шаҳри Душанберо интихоб карданд. Ҳамчунин дар ҷаласа котиби генералӣ, аъзои комиссияҳои мураббиён, доварон ва техникӣ-варзишӣ, инчунин сармураббии дастаи мунтахаби тенниси рӯи мизи шаҳри Душанбе муайян гардиданд.

Зокир Ахмедов барои боварӣ ба вакилон изҳори сипос намуда, ваъда дод, ки тенниси рӯи мизро дар шаҳри Душанбе ба сатҳи боз ҳам  боло мебарад. Аз ҷумла, дар навбати аввал барои ҷалби бештари наврасону ҷавонон ба ин намуд ва гузаронидани мусобиқаҳои гуногун тадбирҳо андешида хоҳанд шуд.

Баъдан Вакилон дигар масъалаҳои вобаста ба тенниси рӯи мизро баррасӣ намуда, қарорҳои дахлдор қабул карданд.

АКС: КМО Тоҷикистон

Ноябрь 9, 2021 08:26

Хабарҳои дигари ин бахш

ОЛИМПИАДАИ ШОҲМОТ. Дастаи мунтахаби Тоҷикистон пеш аз даври охирин дар раддабандии беҳтарин дастаҳои ҷаҳон дар ҷойи 65-ум қарор дорад
ЧЕМПИОНАТИ CAFA-2022. Тоҷикистон пас аз ду пирӯзӣ бо шаш имтиёз дар зинаи аввал аст
Дар нахустин Чемпионати минтақавии Осиёи Марказӣ оид ба бадминтон ҳайати дастаи мунтахаби Тоҷикистонро 12 нафар намояндагӣ мекунанд
Имрӯз дар Душанбе бозиҳои даври сеюми Чемпионати CAFA-2022 миёни дастаҳои мунтахаби ҷавонони то 19-сола доир мешаванд
ОЛИМПИАДАИ ШОҲМОТ ДАР ҲИНДУСТОН. Дастаи мардонаи Узбекистон дар ҷадвали мусобиқа пешсаф шуд, дастаи мунтахаби Тоҷикистон дар ҷои 77-ум қарор дорад
ДЗЮДО. Ҳафт нафар паҳлавонони ҷавони тоҷик дар Чемпионати ҷаҳон дар Эквадор ширкат меварзанд
АҲСАН! Сомон, Шодмон ва Темур аз Чемпионати Осиё оид ба гӯштини дзюдо бо медал бармегарданд
ТЕННИС. Ғолибони Мусобиқаи 12-уми байналмилалӣ барои дарёфти Ҷоми Президенти Ҷумҳурии Тоҷикистон муайян шуданд
ЧЕМПИОНАТИ CAFA-2022. Дастаи ҷавонони Тоҷикистон (U-19) мусобиқаро бо пирӯзии калон бар дастаи Афғонистон оғоз кард
ЧЕМПИОНАТИ ОСИЁ ОИД БА ГӮШТИНИ ДЗЮДО. Варзишгарони тоҷик Шодмон Ризоев ва Сомон Маҳмадбеков медалҳои нуқра ва биринҷӣ ба даст оварданд
Паҳлавонони тоҷик дар Чемпионати ҷаҳон оид ба гӯштин миёни ҷавонон дар Булғористон ширкат меварзанд
ЧЕМПИОНАТИ ОСИЁ ОИД БА ГӮШТИНИ ДЗЮДО. Имрӯз Беҳрӯз Хоҷазода, Сомон Маҳмадбеков ва Шодмон Ризоев бо ҳарифонашон рақобат мекунанд

Маводҳои таҳлилӣ