Ҳизбиёни Хатлон зимни амалиёти «Рӯзи ёдоварӣ» ҳудуди оромгоҳҳоро тоза намуданд

Декабрь 28, 2021 13:59

ДУШАНБЕ, 28.12.2021 /АМИТ «Ховар»/. Дар ҳошияи дастуру супоришҳои Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон масъулини Кумитаи иҷроияи вилоятии ҳизб якчанд иқдомҳои ободониву созандагиро мавриди амал қарор додаанд.  Амалиёти вилоятӣ оид ба тоза намудани ҳудуди оромгоҳҳо зери унвони «Рӯзи ёдоварӣ» аз зумраи чунин ташаббусҳо мебошад, хабар доданд аз шуъбаи иттилоот ва матбуоти  КИ ҲХДТ дар вилояти Хатлон ба АМИТ «Ховар».

Аз оғози соли 2021 дар тамоми шаҳру ноҳияҳои вилояти Хатлон ҳамоиши вилоятӣ таҳти унвони “Рӯзи ёдоварӣ” баргузор гардида истодааст, ки ташаббускорон дар якҷоягӣ бо сокинон ҳудуди оромгоҳҳоро тоза менамоянд. Ин чорабинии оммавӣ дар асоси нақшаи Кумитаи иҷроияи Ҳизби Халқии Демократии Тоҷикистон дар вилояти Хатлон дар ҳамкорӣ бо Шӯрои ҳаракати ҷамъиятии ваҳдати миллӣ ва эҳёи Тоҷикистон дар вилояти Хатлон роҳандозӣ шуда, то имрӯз  миёни ҷомеа  ҳамовозии зиёд пайдо  кардааст.

Дар доираи ҷонибдорӣ аз ин ташаббуси хайрхоҳонаи Ҳизби Халқии Демократии Тоҷикистон сокинони вилояти Хатлон ҳар моҳ рӯзи якшанбеи охир ба тоза кардани оромгоҳҳои маҳали худ машғул мешаванд.

Ин аст, ки давоми соли 2021 дар ҳошияи ҳамоиши “Рӯзи ёдоварӣ”  ташаббускорон  дар якҷоягӣ  бо сокинон 1865 маротиба  дар оромгоҳҳои шаҳру ноҳияҳои вилоят ҳашарҳои умумӣ гузаронида, дар ин амали хайр қариб 177 ҳазор  нафар сокинони маҳал иштирок намудаанд.

Дар идомаи ҳамоиши мазкур ташаббускорон дар баробари  тоза кардани қабристонҳо, роҳравҳоро ҳамвору сангфарш намуда, дар ҳудуди оромгоҳҳо қариб  80 ҳазор бех ниҳол шинонидаанд.

АКС аз КИ ХХДТ  дар вилояти Хатлон

Декабрь 28, 2021 13:59

Хабарҳои дигари ин бахш

Пагоҳ Вазорати тандурустӣ ва ҳифзи иҷтимоии аҳолӣ, Кумитаи рушди сайёҳӣ, Кумитаи кор бо ҷавонон ва варзиш, Кумитаи кор бо занон ва оила, Комиссияи Олии аттестатсионӣ нишасти матбуотӣ баргузор менамоянд
«Сомон Эйр» парвозҳоро дар масири Душанбе-Урумчӣ-Душанбе барқарор намуд
Теъдоди ҳалокшудагони заминларза дар Туркия ба беш аз 12 ҳазор нафар расид
Имрӯз дар Тоҷикистон ҳарорати ҳаво то 10 дараҷа паст мешавад
Имрӯз Кумитаи забон ва истилоҳот, Агентии назорат дар соҳаи маориф ва илм, Палатаи савдо ва саноат, МД «Тоҷикфилм» нишасти матбуотӣ баргузор менамоянд
Ба сокинони Норак моҳияти Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Дар Тоҷикистон якбора номусоид шудани вазъи ҳаво дар назар аст
Имрӯз Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Пагоҳ Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Имрӯз Кумитаи ҳолатҳои фавқулода ва мудофиаи гражданӣ, Суди Олии иқтисодӣ, Агентии суғуртаи иҷтимоӣ ва нафақа, Хадамоти зиддиинҳисорӣ нишасти матбуотӣ баргузор менамоянд
Имрӯз дар Тоҷикистон ҳавои тағйирёбандаи бебориш дар назар аст
Имрӯз «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд

Маводҳои таҳлилӣ