Портали бритониёӣ арзиши қувваи барқро дар Тоҷикистон яке аз арзонтарин дар ҷаҳон номид

Декабрь 8, 2021 12:37

ДУШАНБЕ, 08.12.2021 /АМИТ «Ховар»/.  Тоҷикстон дар раддабандӣ аз рӯйи арзонтарин арзиши неруи барқ барои аҳолӣ дар ҷаҳон мақоми 6-умро касб намуд. Ин тадқиқотро мутахассисони портали бритниёии Cable.co.uk., ки миёни 230 кишвар ва ҷазираҳои ҷаҳон арзиши неруи барқро таҳлил кардаанд, гузарониданд, иттилоъ медиҳад АМИТ «Ховар».

Тибқи таҳлили муҳаққиқон, як киловатт-соат неруи барқ ​​дар Тоҷикистон 0,023 доллар (тақрибан 0,0259 сомонӣ) арзиш дорад. Арзиши неруи барқ дар Тоҷикистон нисбат ба Узбекистон пасттар ва нисбат ба манбаъҳои қирғизӣ гаронтар аст.

Ҳамин тавр, дар Бишкек 1 киловатт-соат баробар ба 0,017 доллар (0,191 сомонӣ) ва дар Тошканд -0,027 (0,304) мебошад.

Дар ҳамин ҳол арзонтарин неруи барқ ​​дар ҷаҳон дар Либия (0,007 доллар), Ангола (0,013 доллар) ва Судон (0,14 доллар) аст.

Баландтар аз ҳама неруи барқ дар ҷазираҳои Соломон- кишвар дар ҷанубу ғарби қисмати Уқёнуси ором ва дар Меланезия аст. Дар ин ҷо барои 1 киловатт-соат 0,591 доллар месупоранд. Дар ҷазираи Еленаи муқаддас  (қаламрави Британия, воқеъ дар қисмати ҷанубии уқёнуси Атлантика)-як киловатт-соат неруи барқ 0,612 доллар ва дар кишвари Вануату -0,591 доллар арзиш дорад.

Қаблан муайян гардид, ки Тоҷикистон соли 2022 ба системаи ягонаи энергетикии Осиёи Марказӣ бармегардад. Тавре АМИТ «Ховар» хабар дод, дар ин бора зимни конгресси 2-юми Авруосиё, ки 2 декабр дар шаҳри Москва гузашт, Вазири саноат ва технологияҳои нави Ҷумҳурии Тоҷикистон Шералӣ Кабир хабар дода, иброз дошт, ки ин раванд ба ҷумҳурӣ даромади бештар ворид хоҳад кард, алалхусус баъди бо иқтидори 3600 мегаватт ба кор даровардани НБО «Роғун». Ёдовар мешавем, ки ба системаи ягонаи энергетикии Осиёи Марказӣ (EES CA), ки онро «ҳалқаи энергетикӣ» низ меноманд, Узбекистон, Қирғизистон, Туркманистон ва ҷануби Қазоқистон дохил мешаванд.

АКС аз манбаъҳои боз

Декабрь 8, 2021 12:37

Хабарҳои дигари ин бахш

Тағйирот ба Қонун «Дар бораи минтақаҳои озоди иқтисодӣ». Ҳадафи ниҳоӣ афзоиш додани содирот ва коҳиш додани воридот аст
Ҳайати Агентии назорати давлатии молиявӣ ва мубориза бо коррупсияи Тоҷикистон дар конференсияи минтақавӣ дар Тошканд иштирок намуд
Тоҷикистон ва Чин барои сармоягузорӣ ба кони ангишти «Шӯроб» созишнома ба имзо расониданд
Тоҷикистон ва Озарбойҷон ҳамкории афзалиятнокро тақвият медиҳанд
Директори минтақавии ICAO зимни нахустин сафар ба Тоҷикистон бо фаъолияти «Тоҷикаэронавигатсия» шинос шуд
Иқтидори иқтисодии Тоҷикистон ва Озарбойҷон имкон медиҳад гардиши мол афзоиш ёбад
Дар Боку тақвияти ҳамкории Тоҷикистон ва Озарбойҷон дар соҳаи саноат баррасӣ гардид
Байни ширкатҳои Тоҷикистон ва Озарбойҷон 15 санади ҳамкорӣ ба имзо расид
Дар шаҳри Боку Анҷумани соҳибкорони Тоҷикистон ва Озарбойҷон доир гардид
Байни «Саноатсодиротбонк» ва Фонди рушди соҳибкории Озарбойҷон Ёддошти тафоҳум оид ба ҳамдигарфаҳмӣ ба имзо расид
Дар доираи Форуми тиҷоратӣ имконият ва фазои сармоягузории Тоҷикистон ба доираҳои соҳибкории Ҷопон муаррифӣ шуд
Дар доираи «Kazanforum 2024» байни Вазорати нақлиёти Тоҷикистон ва Вазорати нақлиёт ва хоҷагии роҳҳои Тотористон Ёддошти тафоҳум ба имзо расид