Дар СММ пешгӯӣ мекунанд, ки соли 2022 шумораи бекорон дар ҷаҳон ба 207 млн мерасад
ДУШАНБЕ, 18.01.2022 /АМИТ «Ховар»/. Созмони байналмилалии меҳнат (СБМ, муассисаи махсуси СММ) интизор аст, ки шумораи бекорон дар ҷаҳон дар соли 2022 ба 207 миллион нафар мерасад, ки нисбат ба давраи пеш аз буҳрони соли 2019 21 миллион нафар зиёдтар аст. Тавре АМИТ «Ховар» хабар медиҳад, дар ин бора дар маърӯзаи Созмони мазкур, ки дирӯз 17 январ дар Женева ба нашр расид, гуфта мешавад.
«Интизор меравад, ки бекории ҷаҳонӣ ҳадди ақалл то соли 2023 болотар аз сатҳи пеш аз [пандемияи] COVID-19 боқӣ мемонад,- баён доштаанд муаллифони маърӯза. –Соли 2022 бино ба баҳодиҳӣ, шумораи он ба 207 миллион нафар баробар мешавад, ин дар ҳоле ки соли 2019 ин рақам 186 миллионро ташкил дода буд».
Зикр карда мешавад, ки «СБМ пастравии сатҳи барқароршавии бозори меҳнатро дар соли 2022 дида баромад». Ин «то андозае таъсири намудҳои охирини COVID-19, ба монанди «делта» ва «омикрон»-ро ба ҷаҳони меҳнат ва инчунин номуайянии чашмрасеро нисбат ба ояндаи пандемия инъикос менамояд». «Тибқи пешгӯиҳои рушди иқтсодӣ, СБМ интизор дорад, ки соати умумии кор дар соли 2022 тақрибан 2% камтар аз сатҳи пеш аз пандемия боқӣ хоҳад монд»,-омадааст дар маърӯза. Моҳи июн СБМ тахлил намуд, ки ин нишондиҳанда соли 2022 камтар аз 1% паст мегардад.
Бино ба гуфтаи коршиносон, буҳрони аз пандемия бавуҷудомада ба «гурӯҳҳои коргарон ва кишварҳои онон» таъсири гуногун гузошт, ки ин «нобаробарӣ дар дохил ва байни кишварҳоро амиқтар намуда, асосҳои иқтисодӣ, молиявӣ ва иҷтимоии ҳамаи давлатҳоро заиф хоҳад кард». Кишварҳое, ки даромади баланд доранд, дар бозори меҳнат нисбат ба аҳолии худ болоравии қавитар нишон медиҳанд, дар ҳоле ки вазъияти кишварҳои дорои даромади миёна дар ҳоли бадтар шудан аст.
«Пас аз ду соли буҳрон дурнамо заиф боқӣ мемонад ва роҳ ба сӯйи барқароршавӣ- суст ва ноустувор аст»,-изҳор намуд директори генералии СБМ Гай Райдер. Ба гуфтаи ӯ, «эҳёи воқеии иқтисоди ҷаҳонӣ» бидуни беҳбудӣ бахшидан ба вазъи бозори меҳнат вуҷуд дошта наметавонад.
АКС аз манбаъҳои боз
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
Таҷассум ва густариши сиёсати инсонмеҳваронаи Пешвои миллат дар пасманзари қабули Қонуни Ҷумҳурии Тоҷикистон «Дар бораи авф»
Дар шаҳри Санкт-Петербург Форуми XIV байналмилалии ҳуқуқӣ оғоз гардид
