Имсол дар ноҳияи Мастчоҳ дар 12 500 гектар чигит кишт мешавад
ДУШАНБЕ, 23.04.2022. /АМИТ «Ховар»/. Имсол дар ноҳияи Мастчоҳ дар 12500 гектар чигит кишт хоҳад шуд. Дар ин бора масъулини ноҳия зимни сафари кории Раиси вилояти Суғд Раҷаббой Аҳмадзода ба Мастчоҳ маълумот доданд, хабар медиҳад АМИТ «Ховар» бо истинод ба Хадамоти матбуоти Раиси вилоят.
Сафари корӣ 21 апрел сурат гирифта, зимни он Раҷаббой Аҳмадзода бо раванди корҳои ободонию созандагӣ дар ноҳия шинос гардид.
Раиси вилоят бо сохтмони иншооти таъйиноти гуногун, аз ҷумла маркази хизматрасонӣ, фермаи чорвопарварӣ, фабрикаи парандапарварии ҶДММ «Некбахт», коргоҳи дӯзандагӣ, бинои иловагии маркази ташхисӣ ва табобатии «Сино» шинос шуда, барои иҷрои босифати корҳо ба масъулин тавсияҳо дод.
Таъкид гардид, ки ба истиқболи ҷашнҳои милливу давлатӣ, аз ҷумла 30-солагии Иҷлосияи 16-уми Шӯрои Олии Ҷумҳурии Тоҷикистон ва 35-солагии Истиқлоли давлатии Ҷумҳурии Тоҷикистон бояд корҳои ободонию бунёдкорӣ вусъат бахшида шуда, бо истифода аз имконоти мавҷуда ҳарчи бештар сокинон бо ҷойи кор таъмин карда шаванд.
Раиси вилоят ҳамзамон дар хоҷагии деҳқонии ба номи М.Сӯфизодаи Ҷамоати деҳоти Мастчоҳ дар маъракаи кишти чигит иштирок карда, бо сокинон ва кишоварзони ҷамоат суҳбат намуд.
Дар шароити кунунӣ бояд ҳар порча замин самаранок истифода гардида, барои таъмини амнияти озуқаворӣ беш аз пеш фаъолият намудан зарур аст.
Дар идомаи сафар Раиси вилоят фаъолияти пойгоҳҳои обкашии ноҳия, аз ҷумла «Дилварзин-1»-ро мавриди таваҷҷуҳ қарор дод.
Иттилоъ дода шуд, ки тамоми дастгоҳҳои обкашии ноҳия аз таъмир бароварда шуда, ба мавсими имсола омода мебошанд.
Раиси вилоят ҳамчунин собиқадорони меҳнат Ниёзбибӣ Миракова ва Нурулло Саидбековро аёдат карда, ба онҳо кумакҳои моддӣ расонид.
АКС: Хадамоти матбуоти Раиси вилояти Суғд
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
