Ширкатҳои «Мадад Фарм» ва «Бозори Ворӯ» вориди бозори сайёҳии Тоҷикистон гардиданд
ДУШАНБЕ, 07.04.2022 /АМИТ «Ховар»/. Ду ширкати нави сайёҳӣ — «Мадад Фарм» ва «Бозори Ворӯ» вориди бозори сайёҳии Тоҷикистон гардида, ҳамзамон муҳлати амали иҷозатномаи фаъолияти сайёҳии ширкати сайёҳии «Артуч» тамдид карда шуд. Дар ин бора АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон иттилоъ медиҳад.
Иҷозатномаҳои фаъолияти сайёҳиро Раиси Кумитаи рушди сайёҳии назди Ҳукумати ҷумҳурӣ дар ҳузури иштирокчиёни ҳамоише, ки 6 апрел дар мавзӯи «Нақши сайёҳӣ дар раванди рушди миллӣ ва ноил шудан ба ҳадафҳои стратегӣ» дар шаҳри Душанбе баргузор гардид, супорид.
Раиси Кумита таваҷҷуҳи роҳбарони ширкатҳои навро ба масъалаҳои татбиқи босамари имтиёзҳо дар соҳаи сайёҳӣ, ки бо ташаббуси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳандозӣ гардиданд, таҳияи хатсайрҳои нави сайёҳӣ, таҳия ва нашри зиёди маводи нави иттилоотии тарғиботӣ, баланд бардоштани сатҳу сифати хизматрасонии ҷавобгў ба талаботи стандартҳои байналмилалӣ ва таъмини рақобатпазирии маҳсулоти сайёҳӣ ҷалб намуд.
Ҳоло дар маҷмӯъ дар бозори хизматрасонии сайёҳии Тоҷикистон қариб 240 ширкати сайёҳӣ фаъолият доранд.
АКСҲО: Кумитаи рушди сайёҳии назди Ҳукумати Ҷумҳурии Тоҷикистон
Ширкатҳои сайёҳии Тоҷикистон ва Арабистони Саудӣ беш аз 20 шартномаи ҳамкорӣ ба имзо расониданд
Тоҷикистон ва Арабистони Саудӣ ҳамкориро дар соҳаи сайёҳӣ таҳким мебахшанд
Иқтидори сайёҳии Тоҷикистон дар «Seoul International Travel Fair 2022» муаррифӣ шуд
Тоҷикистон ва Барномаи рушди СММ ҳамкориро дар соҳаи сайёҳӣ рушд медиҳанд
Иқтидори сайёҳии Тоҷикистон дар намоишгоҳҳои байналмилалии «Tourism EXPO JAPAN-2022» ва «JATA» муаррифӣ мегардад
Синамогарони олмонӣ дар бораи зарфиятҳои сайёҳии Тоҷикистон ду филми куттоҳмуддати 20 дақиқагӣ таҳия менамоянд
Донишҷӯёни Донишгоҳи сайёҳии Тоҷикистон дар Академияи сайёҳии Арабистони Саудӣ ба таҷрибаомӯзӣ фаро гирифта мешаванд
Дар Теҳрон ҳамоиши сайёҳии Тоҷикистон ва Эрон баргузор гардид
Намояндагони беш аз 50 кишвари ҷаҳон Қалъаи Ҳисор ва Боғи зимистонаи «Шаршара»-ро тамошо намуданд
Намояндагони ширкатҳои сайёҳии Тоҷикистон ва Русия ҳамкориро дар самти ҷалби бештари сайёҳон густариш медиҳанд
Меҳмонон ва иштирокдорони Конфронси дуюми байналмилалии сатҳи баланд оид ба об аз ноҳияи Варзоб боздид карданд
Тоҷикистон ва Арабистони Саудӣ ҳамкориро дар соҳаи сайёҳӣ тақвият мебахшанд
