СММ омори риққатангези марги кӯдаконро дар Афғонистон расонаӣ кард
ДУШАНБЕ, 25.04.2022 /АМИТ «Ховар»/. Хазинаи кӯдакони Созмони Милали Муттаҳид — ЮНИСЕФ маълумот дар бораи талафот миёни кӯдаконро дар Афғонистон дар тӯли як ҳафта нашр кард. Дар ин бора директори минтақавии созмон Ҷорҷ Лареа-Аҷей дар саҳифааш дар “Твиттер” хабар додааст.
Ба иттилои ӯ, дар пайи як силсила ҳамлаҳои террористӣ дар кишвар ҳудуди панҷоҳ нафар ноболиғон ба марг расонида шудаанд. «Танҳо дар як ҳафта беш аз 50 нафар писарону духтарон бар асари як силсила нақзи шадиди ҳуқуқи инсон дар Афғонистон кушта шуданд. Аз рӯи гузоришҳои баррасишаванда, интизор меравад, ки ин рақамҳо боз ҳам афзоиш ёбанд”, — гуфт ӯ.
Лареа-Аҷей афзуд, ки дар таркиши ахир дар масҷиди Мавлавӣ Сикандар дар шаҳри Кундуз на кам аз 4 кӯдак кушта ва бисёре аз кӯдакони дигар ба таври ҷиддӣ захмӣ гардидаанд.
Директори минтақавии ЮНИСЕФ ҳамлаҳои террористӣ дар Афғонистонро маҳкум карда, таъкид намуд, ки ҳама навъҳои хушунат алайҳи ноболиғон бояд фавран қатъ карда шаванд.
Тавре АМИТ «Ховар» хабар дода буд, чанде пеш дар намози пешин дар яке аз масҷидҳои шаҳри Мазори Шарифи шимоли Афғонистон таркиши калон рух дод. Дар ин вақт барои адои намоз одамони зиёде дар масҷид ҷамъ омада буданд. Дар натиҷаи ин таркиш 31 нафар дар ҷои ҳодиса ба ҳалокат расида, 87 нафар ҷароҳат бардоштаанд. Дере нагузашта гурӯҳи тундрави “Давлати исломӣ”* масъулияти ин ҳамларо бар уҳда гирифт.
Мавриди зикр аст, ки дар Афғонистон пас аз иваз шудани ҳокимият ва ба дасти “Толибон”* омадани қудрат дар моҳи августи соли 2021 тақрибан ҳар ҳафта дар ин кишвар таркишҳо ба амал меоянд. Ҳамин тариқ, тирамоҳи соли 2021 дар натиҷаи ҳамлаҳои террористӣ дар масҷидҳо, дар маҷмӯъ беш аз 250 нафар кушта ва садҳо нафар ҷароҳат бардоштанд.
Бар асари таркиш дар назди мактаб дар Кобул на кам аз 25 нафар кушта шуданд.
АКС: Sputnik / Касра Рой
___________________________
* Ташкилоти террористӣ дар Тоҷикистон ва дигар кишварҳо мамнӯъ аст.
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
