Дар Ню-Йорк тавсеаи ҳамкории Тоҷикистон бо Испания, Индонезия, Тайланд ва Малдив дар соҳаи сайёҳӣ баррасӣ шуд
ДУШАНБЕ, 08.05.2022 /АМИТ «Ховар»/. Тоҷикистон ва Испания тасмим гирифтаанд, ки дар оянда дар соҳаи сайёҳӣ ҳамкорӣ ба роҳ монда, онро тақвият бахшанд. Ин ва дигар масъалаҳои марбут ба рушди ҳамкории сайёҳӣ дар мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода бо Вазири саноат, савдо ва сайёҳии Испания хонум Мария Рейес Марото Иллера дар қароргоҳи Созмони Милали Муттаҳид дар шаҳри Ню-Йорк баррасӣ гардиданд.
Дар Кумитаи рушди сайёҳии мамлакат ба АМИТ «Ховар» иттилоъ доданд, ки дар мулоқот мусоҳибон аз аҳамияти рушди самти сайёҳӣ сухан гуфта, оид ба рушди ҳамкории муштарак дар ин самт табодули афкор намуданд.
Раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода дар Ню–Йорк ҳамзамон бо Вазири соҳаи сайёҳӣ ва иқтисоди созандаи Индонезия Сандиага Салоҳиддин Уно вохӯрда, масъалаҳои тақвияти ҳамкорӣ дар соҳаи сайёҳиро баррасӣ намуданд.Ҷонибҳо доир ба зарфият ва имконоти сайёҳӣ ва таҷрибаи Тоҷикистон ва Индонезия ҷиҳати рушди соҳаи сайёҳӣ ибрози назар намуданд.
Инчунин дар доираи мубоҳисаи мавзӯии сатҳи баланд, ки зери унвони «Дар маркази таваҷҷуҳ гузоштани соҳаи сайёҳии устувор ва пойдор ҷиҳати барқарорсозии фарогир» дар Ню-Йорк доир шуд, Тоҷиддин Ҷӯразода бо Вазири соҳаи сайёҳии Малдив Абдулло Мавсум ва Намояндаи доимии Шоҳигарии Тайланд дар СММ Сурия Чиндавонгсе мулоқот анҷом дод. Мусоҳибон аҳамияти рушди соҳаи сайёҳиро таъкид намуда, доир ба густариши ҳамкории дуҷониба дар ин замина табодули назар карданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
Тоҷикистон ва Фаронса ҳамкории саноатиро тақвият медиҳанд
Соҳибкорони Тоҷикистон ва Италия ба маблағи зиёда аз 160 миллион доллари амрикоӣ санадҳои дуҷонибаи ҳамкорӣ ба имзо расониданд
«ТОҶИКИСТОН-2024». Дар Душанбе аз 3 то 5 май Намоишгоҳи байналмилалии универсалӣ баргузор мегардад
Байни Тоҷикистон ва Италия дар соҳаҳои ҳамлу нақли байналмилалии автомобилӣ ва саноату технологияҳои нав созишномаҳо ба имзо расиданд
БАТР барои намояндагони бахши молиявии Тоҷикистон даври нахустини дарсҳои маҳорат ташкил намуд
Дар 173 ҳазору 835 гектар майдони корхонаҳои кишоварзӣ ва хоҷагиҳои деҳқонии Суғд кишти баҳорӣ гузаронида мешавад
Соли 2024 дар Тоҷикистон 5 лоиҳа дар соҳаи роҳу нақлиёт татбиқ карда мешавад
Тоҷикистон ва Хазинаи Авруосиёии субот ва рушд лоиҳаи тавсеаи буҷети барномавиро оғоз менамоянд
