Футболбозони тоҷик Нуриддин Давронов ва Фатҳулло Фатҳуллоев сафирони «Париматч» шуданд

Май 23, 2022 18:08

ДУШАНБЕ, 23.05.2022 /АМИТ «Ховар»/. Футболбозони маъруфи тоҷик Нуриддин Давронов ва Фатҳулло Фатҳуллоев сафирони нави ширкати «Париматч» гардиданд. Шартномаи ҳамкорӣ ба муҳлати як сол бо имкони тамдид баста шуд. Дар ин бора ба АМИТ «Ховар» дар ширкати «Париматч» иттилоъ доданд.

Нуриддин Давронов нимҳимоятгари дастаи футболи «Истиқлол» ва тими мунтахаби кишвар аст. Ӯ дукарата қаҳрамони Тоҷикистон буда, ду маротиба Ҷом ва се маротиба Суперҷоми Тоҷикистонро ба даст овардааст. Ӯ соҳиби Ҷоми раиси Конфедератсияи футболи Осиё (2012), унвони беҳтарин нимҳимоятгари мавсими соли 2012 ва беҳтарин бозигари соли 2013 мебошад. Дар ҳайати мунтахаби кишвар футболбоз 33 бозӣ гузаронида, 13 гол задааст.

Фатҳулло Фатҳуллоев фаъолияти худро дар ҳайати «Динамо»-и Душанбе оғоз кардааст. Соли 2008 ба Истиқлол пайваст ва дар он ҷо чандин унвонҳои милливу байналмилалӣ, аз ҷумла соли 2012 барандаи Ҷоми раиси КФО шуд. Дар ҳайати тими мунтахабони наврасон ва ҷавонон низ бозӣ кардааст. Соли 2007 бори аввал ба тими мунтахаби Тоҷикистон даъват шуда буд. Дар ҳайати мунтахаби кишвар беш аз 60 бозӣ карда, 9 гол задааст.

«Варзишгарони маъруф зикр карданд, ки онҳо аз пайвастан ба «Париматч» — сарпарасти варзиш дар Тоҷикистон ба ҳайси сафир хушҳоланд. Ҳамзамон, онҳо омодагии худро барои ширкат дар лоиҳаҳо ва фаъолсозии муштарак ҷиҳати оммавӣ гардонидани футбол дар Тоҷикистон изҳор доштанд», — таъкид карданд дар ширкати «Париматч».

МАЪЛУМОТНОМАИ АМИТ «ХОВАР»:

«Париматч» яке аз бузургтарин ширкатҳои букмекерӣ дар Аврупо ва ИДМ мебошад, ки дар тӯли солҳои рушди фаъол ба яке аз пешсафони арсаи Аврупо табдил ёфтааст. Руҳияи мубориза ва кӯшиш ба рушдро «Париматч» тавассути сафирон ва дар ҳамкорӣ бо тамғаҳои ҷаҳонии варзишӣ тарғиб мекунад. Ширкат яке аз фаъолтарин бозигарони бозори маркетинги варзишӣ буда, бо федератсияҳо ва дастаҳои пешрафта ва маъруфтарин ҳамкорӣ мекунад. Бозии масъулиятнок яке аз афзалиятҳои асосии ширкат мебошад.

Дар Тоҷикистон «Париматч» дар рушди варзиш фаъолона ширкат меварзад ва аз 12 августи соли 2020 инҷониб шарики расмии беттингии Ҷом ва Суперҷом, инчунин Лигаи олии футболи Тоҷикистон мебошад.

АКС: Париматч

Май 23, 2022 18:08

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд