Кишоварзони Кӯлоб заминҳои корамро самаранок истифода бурда, аз он ду-се ҳосил мерўёнанд
КЎЛОБ, 29.06.2022 /АМИТ «Ховар»/. Дар Ҷамоати деҳоти «Зарбдор»-и шаҳри Кӯлоб кооперативҳои тиҷоратӣ, хоҷагиҳои деҳқонию инфиродӣ корҳои саҳроиро вусъат бахшида, бо тавсияи мутахассисони соҳа корҳои агротехникиро дар заминҳои кишт сари вақт мегузаронанд. Айни замон аксари деҳқонон ҳосили ғалладонагиҳоро ҷамъоварӣ карда, бо истифода аз шароити мусоид кишти такрорї гузаронида истодаанд. Дар ҷамоати деҳоти мазкур кооперативи тиҷоратии «Хатлон» яке аз хоҷагиҳои калонтарин ба шумор меравад. Аъзоёни кооперативи мазкур дар кишту парвариши пахта таҷрибаи хуб доранд ва ҳамасола майдони кишти ин намуди зироатро бо истифода аз навъҳои ба шароити иқлими минтақа мутобиқ кишту парвариш менамоянд.
Тавре раиси кооперативи тиҷоратии «Хатлон» Суҳроб Наимов ба хабарнигори минтақавии АМИТ «Ховар» иттилоъ дод, дар кооперативи тиҷоратӣ ҳар як гектар замин самаранок истифода бурда шуда, дар натиҷаи заҳмати деҳқонон ҳамасола аз он ду се ҳосил ба даст оварда мешавад, ки бозори истеъмолиро бо ҳар гуна сабзавот ва зироатҳои полезӣ фаровон месозад.
«Як қисми хоҷагиҳои деҳқонӣ, ки ба парвариши чорво машғул мебошанд, дар ин мавсим мекўшанд ҳар чи бештар хӯроки дурушти чорво захира намоянд. Дар захираи хӯроки чорво аз алафҳои табиӣ ва коҳи ғалладонагӣ истифода менамоянд ва баъди ҷамъоварии коҳу беда дар заминҳои корами обӣ кишти такрории зироатҳои хоҷагии қишлоқ мегузаронанд. Айни ҳол барои кишти такрорӣ мушкили пеш наомадааст, чунки техника ва мошинолотҳои зарурӣ дар заминҳо мерасанд ва ба кор шуруъ намудаанд», — афзуд Суҳроб Наимов.
АКС: АМИТ «Ховар»
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
Намоишгоҳи «Ихтироъкорон ва навоварони соҳаи нақлиёт» баргузор шуд
