Шиноварони Тоҷикистон дар Чемпионати ҷаҳон-2022 ширкат мекунанд

Июнь 14, 2022 14:37

ДУШАНБЕ, 14.06.2022 /АМИТ «Ховар»/. Варзишгарони тоҷик дар 19-умин Чемпионати ҷаҳон оид ба варзишҳои обӣ, ки аз 18 июн то 3 июл дар шаҳри Будапешти Маҷористон баргузор мешавад, ширкат мекунанд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.

Ба иттилои Федератсияи миллии шиноварии Тоҷикистон, ҷумҳурии моро дар чемпионати ҷаҳон ду варзишгар – Екатерина Бордачева ва Фахриддин Мадкамов бо роҳбарии сармураббӣ Екатерина Измайлова намояндагӣ мекунанд.

Чемпионат соли 2021 дар Фукуокаи Ҷопон ба нақша гирифта шуда буд, вале пас аз мавқуф гузошта шудани Бозиҳои олимпии Токио ба соли 2021 ба соли 2022 гузаронида шуд. Бо вуҷуди ин, дар моҳи январи соли 2022 эълон гардид, ки чорабинӣ дар Фукуока бо сабаби таъсири варианти “Omicron” ва чораҳои пандемия дар Ҷопон бори дуюм ба соли 2023 мавқуф гузошта мешавад.

7 феврали соли 2022, Федератсияи байналмилалии шиноварӣ (FINA) эълон кард, ки Будапешт мизбони чемпионати ғайринавбатӣ аз 18 июн то 3 июли соли 2022 хоҳад буд.

Будапешт бори дуюм аст, ки чемпионати ҷаҳон оид ба варзишҳои обиро мизбонӣ мекунад. Чорабинӣ 5 сол пеш, соли 2017 дар пойтахти Маҷористон доир шуда буд.

Дар маҷмӯъ, варзишгарон барои 74 маҷмӯи медалҳо дар панҷ равия – шиноварӣ, шиноварӣ дар оби кушод, ҷаҳиш ба об, шиноварии синхронӣ ва тӯббозӣ дар об қувва  месанҷанд.

АКС: КМО Тоҷикистон

Июнь 14, 2022 14:37

Хабарҳои дигари ин бахш

Ҳайати олимпии Тоҷикистон дар маросими ифтитоҳи Бозиҳои 5-уми ҳамбастагии исломӣ иштирок намуд
10 АВГУСТ-РӮЗИ ВАРЗИШГАРОНИ ТОҶИКИСТОН. Бахшида ба ин сана дар мамлакат Даҳаи мусобиқоти ҷумҳуриявӣ баргузор мегардад
ОЛИМПИАДАИ ШОҲМОТ. Дастаи мунтахаби Тоҷикистон пеш аз даври охирин дар раддабандии беҳтарин дастаҳои ҷаҳон дар ҷойи 65-ум қарор дорад
ЧЕМПИОНАТИ CAFA-2022. Тоҷикистон пас аз ду пирӯзӣ бо шаш имтиёз дар зинаи аввал аст
Дар нахустин Чемпионати минтақавии Осиёи Марказӣ оид ба бадминтон ҳайати дастаи мунтахаби Тоҷикистонро 12 нафар намояндагӣ мекунанд
Имрӯз дар Душанбе бозиҳои даври сеюми Чемпионати CAFA-2022 миёни дастаҳои мунтахаби ҷавонони то 19-сола доир мешаванд
ОЛИМПИАДАИ ШОҲМОТ ДАР ҲИНДУСТОН. Дастаи мардонаи Узбекистон дар ҷадвали мусобиқа пешсаф шуд, дастаи мунтахаби Тоҷикистон дар ҷои 77-ум қарор дорад
ДЗЮДО. Ҳафт нафар паҳлавонони ҷавони тоҷик дар Чемпионати ҷаҳон дар Эквадор ширкат меварзанд
АҲСАН! Сомон, Шодмон ва Темур аз Чемпионати Осиё оид ба гӯштини дзюдо бо медал бармегарданд
ТЕННИС. Ғолибони Мусобиқаи 12-уми байналмилалӣ барои дарёфти Ҷоми Президенти Ҷумҳурии Тоҷикистон муайян шуданд
ЧЕМПИОНАТИ CAFA-2022. Дастаи ҷавонони Тоҷикистон (U-19) мусобиқаро бо пирӯзии калон бар дастаи Афғонистон оғоз кард
ЧЕМПИОНАТИ ОСИЁ ОИД БА ГӮШТИНИ ДЗЮДО. Варзишгарони тоҷик Шодмон Ризоев ва Сомон Маҳмадбеков медалҳои нуқра ва биринҷӣ ба даст оварданд

Маводҳои таҳлилӣ