Соли равон 92 адад корхонаҳои хурду калони Хуҷанд ба маблағи беш аз 357 млн. сомонӣ маҳсулоти воридотивазкунанда истеҳсол намуданд
СУҒД, 16.07.2022 /АМИТ «Ховар»/. Дар шаҳри Хуҷанд аз ҷониби 92 адад корхонаҳои хурду калон ба маблағи 357,4 млн. сомонӣ маҳсулоти воридотивазкунанда истеҳсол гардид, ки нисбат ба ҳамин давраи соли гузашта 74,6 млн. сомонӣ ё 26,4 фоиз зиёд мебошад. Дар ин бора ба АМИТ «Ховар» дар маркази матбуоти Раиси шаҳри Хуҷанд хабар доданд.
14 июл Раиси шаҳри Хуҷанд Фирдавс Шарифзода зимни нишасти матбуотӣ зикр кард, ки дар нимсолаи аввали соли равон ҳаҷми истеҳсоли маҳсулоти саноатӣ бо назардошти истеҳсол ва фурӯши обу барқ ба 647,3 миллион сомонӣ баробар гашта, нисбат ба ҳамин давраи соли гузашта 74,1 миллион сомонӣ ё 12,9 дар сад афзоиш ёфтааст. Аз ин миқдор ба маблағи 191,8 миллион сомонӣ ба хориҷи кишвар содирот карда шуд, ки нисбат ба нишондиҳандаи ҳамин давраи соли гузашта 26 дарсад афзоиш ёфта, барои рушди иқтидори содиротии шаҳр заминаи устувор мегузорад.
Дар ин давра 8 адад корхонаҳои нави хурду миёнаи истеҳсолии пурра бо таҷҳизоти замонавӣ муҷаҳҳазгардида таъсис дода шуда, шумораи умумии корхонаҳои саноатии шаҳр ба 177 адад расид, ки танҳо аз ҳисоби корхонаҳои нав бунёдгашта 105 нафар шаҳрвандон бо ҷойи кори доимӣ таъмин шуданд.
Илова гардид, ки дар ин давра аз 125 намуд маҳсулоти асосӣ истеҳсоли 59 намуд ё 47,2 фоиз нисбат ба ҳамин давраи соли 2021 зиёда аз 100,0 фоиз таъмин карда шудааст.
Инчунин номгӯи намуди маҳсулоти саноатӣ низ зиёд шуд, ки онҳо асосан аз ашёи хоми маҳаллӣ истеҳсол гардида, ба 16 давлат содирот карда мешаванд.
Таъкид гардид, ки дар нимсолаи аввали соли 2022 дар 12,96 км роҳҳо таъмири асосию ҷорӣ гузаронида шуд.
Саъдулло МАҲКАМОВ,
АМИТ «Ховар»
АКС: Хадамоти матбуоти Президенти ҶТ/АМИТ «Ховар/маркази матбуоти Раиси шаҳри Хуҷанд
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
