«ФУТБОЛ БА НАЗДИ ШУМО МЕОЯД». Дар шаҳри Хоруғ мусобиқаи вилоятӣ миёни кӯдакон баргузор гардид

Август 16, 2022 13:50

ХОРУҒ, 16.08.2022 /АМИТ «Ховар»/. Дар шаҳри Хоруғи Вилояти Мухтори Кӯҳистони Бадахшон ба пешвози 31-умин солгарди Истиқлолияти давлатии Тоҷикистон бо мақсади тарғиби тарзи ҳаёти солим мусобиқаи «Футбол ба назди шумо меояд» доир гардид. Дар он кӯдакони соли таваллудашон 2011-2013 аз шаҳри Хоруғ, ноҳияҳои Шуғнону Рӯшон, Роштқалъаву Ишкошим ширкат намуданд. Мусобиқаи мазкур бо ибтикори Федератсияи футболи Тоҷикистон (ФФТ) ва кумаки молиявии ширкати мобилии Тселл доир гардид, хабар доданд ба АМИТ «Ховар» аз ФФТ.

Даври аввали мусобиқаи кушоди футболи хурд дар шаҳру деҳоти ноҳияҳои вилоят роҳандозӣ шуда, ғолибони ин давр дар мусобиқаи вилоятӣ ширкат намуданд.

Аз миёни наврасони соли таваллуди 2013 дастаи шаҳри Хоруғ бар дастаи ноҳияи Ишкошим пирӯз шуда, мақоми аввалро аз худ намуд.

Ҳамин тариқ, ҷойҳои дуюму сеюмро дастаҳои Ишкошиму Шуғнон ба даст оварда, соҳиби ҷом ва туҳфаҳои хотиравӣ гардиданд. Миёни наврасони соли таваллуди 2011 мақоми аввалро дастаи Ишкошим, ҷои дувумро дастаи Шуғнон ва мақоми сеюмро дастаи Роштқалъа ишғол намуданд.

АКС: АМИТ «Ховар»

Август 16, 2022 13:50

Хабарҳои дигари ин бахш

ҶОМИ ОСИЁ ОИД БА ФУТЗАЛ. Дастаҳои мунтахаби Тоҷикистон ва Узбекистон бо ҳам рақобат карданд
Дастаи мунтахаби Тоҷикистон оид ба футбол бо Ҷоми Шоҳи Таиланд ба Душанбе баргашт
ҶОМИ ОСИЁ ОИД БА ФУТЗАЛ. Имрӯз дастаҳои мунтахаби Тоҷикистон ва Узбекистон бозӣ мекунанд
ҶОМИ ПРЕЗИДЕНТИ ТОҶИКИСТОН ОИД БА БОКС. Варзишгарони тоҷик сазовори ёздаҳ медали тилло гардиданд
Дастаи «Хадамоти гумрук» бозии аввали Ҷоми «Истиқлол»-2022-ро бо ғалаба оғоз намуд
Дастаи мунтахаби футзали Тоҷикистон Ҷоми Осиё-2022-ро бо пирӯзӣ оғоз кард
ҶОМИ ОСИЁ ОИД БА ФУТЗАЛ. Имрӯз дастаҳои мунтахаби Тоҷикистон ва Баҳрайн бозӣ мекунанд
Дар Чемпионати ҷаҳон оид ба дзюдо дар Тошканд 9 паҳлавони тоҷик иштирок менамоянд
Варзишгарони тоҷик дар Чемпионати Осиёи Марказӣ оид ба варзиши сабук 8 медал ба даст оварданд
Тоҷикистон дар Мусобиқаи 48-уми байналмилалии «King’s Cup 2022» соҳиби ҷом ва медали тилло шуд
«KING’S CUP 2022». Имрӯз мунтахабҳои Тоҷикистон ва Малайзия дар финали мусобиқа рақобат мекунанд
Тоҷикистон дар даври ниҳоии мусобиқаи «King’s Cup 2022» бо дастаи мунтахаби Малайзия бозӣ мекунад