ГӮШТИНИ ТАРЗИ ОЗОД. Ғолибони мусобиқа барои ҷоизаҳои Юсуф Абдусаломов муайян шуданд

Сентябрь 7, 2022 14:50

ДУШАНБЕ, 07.09.2022 /АМИТ «Ховар»/. 3-4 сентябр дар шаҳри Душанбе Мусобиқаи 2-юми ҷумҳуриявӣ оид ба гӯштини тарзи озод барои дарёфти ҷоизаҳои Устоди шоистаи варзиши Тоҷикистон, ҷоизадори Бозиҳои олимпӣ Юсуф Абдусаломов баргузор шуд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.

Ба иттилои сардовари мусобиқа Абдурозиқ Олимов, дар мусобиқа 77 варзишгар аз ҳамаи минтақаҳои ҷумҳурӣ ширкат намуданд.

Қувваозмоиҳо тибқи қоидаҳои Иттиҳоди ҷаҳонии гӯштинҳо (UWW) дар 10 вазн миёни мардҳо доир гардида, ғолибону ҷоизадорон ба таври зайл муайян шуданд:

57кг

  1. Зиёдулло ҲУКУМАТОВ (Душанбе-1)
  2. Ҳусейн МАЛИКОВ (Душанбе-2)
  3. Бежан ХОҶАЛИЕВ (Хатлон-1)
  4. Носирҷон ТИЛЛОЕВ (Хатлон-2)

61кг

  1. Муҳаммад НАИМОВ (Душанбе-2)
  2. Қаюм ҲАЛИМОВ (Душанбе-1)
  3. Анвар САФАРОВ (Душанбе-2)
  4. Авазхон ҶАББОРОВ (Хатлон-2)

65кг

  1. Комрон ХОЛОВ (Душанбе-1)
  2. Ҳокимҷон ҲУСЕЙН (Душанбе-2)
  3. Муҳаммад САИДОВ (Хатлон-1)
  4. Умед ТИЛООЕВ (Душанбе-2)

70кг

  1. Алиризо БАҲРОМОВ (Душанбе-2)
  2. Юнус ЮНУСОВ (Душанбе-1)
  3. Ҳомидҷон РАҲМОНОВ (Хатлон-2)
  4. Шаҳром ГАНҶИЕВ (Душанбе-1)

74кг

  1. Саидасан АШРАФХОНОВ (Душанбе-2)
  2. Ислом ХОҶАЕВ (Душанбе-2)
  3. Афзалшо ЗАЙДУЛЛОЕВ (Душанбе-1)
  4. Наимҷон ИЛҲОМЗОДА (Хатлон-2)

79кг

  1. Муҳаммадамин АБДУЛЛОЕВ (Душанбе-2)
  2. Боқиҷон МУҚИМЗОДА (Суғд)
  3. Асрор МИРХОҶАЕВ (Душанбе-2)
  4. Мақсуд ДАВРОНОВ (Душанбе-2)

86кг

  1. Абдубашир БОБОҶОНОВ (Душанбе-2)
  2. Зоирҷон РАСУЛОВ (Душанбе-2)
  3. Саидаҳмад МАЛИКОВ (Душанбе-2)
  4. Алӣ ЮСУПОВ (Душанбе-2)

92кг

  1. Бахтовар ҒАФУРОВ (Душанбе-2)
  2. Саид САМИЕВ (Хатлон-2)
  3. Нуриддин ҲАЛИМОВ (Хатлон-1)
  4. Анушервон РОЗИҚОВ (Хатлон-2)

97кг

  1. Амирҷон САНГОВ (Душанбе-2)
  2. Саъдуддин ИБРОНОВ (Душанбе-1)
  3. Садриддин МАҚСУДОВ (Суғд)
  4. Фирӯз ҚОДИРЗОДА (Душанбе-2)

125кг

  1. Раҳмон МАҲМАДБЕКОВ (Душанбе-2)
  2. Саидактам ИБОДОВ (Душанбе-2)
  3. Рамазон ОЛИМОВ (ШНТМ)
  4. Расул ҚОДИРЗОДА (ШНТМ)

 

МАЪЛУМОТИ АМИТ «ХОВАР

Юсуф Абдусаломов 8 ноябри соли 1977 дар Доғистони Федератсияи Русия таваллуд шудааст. Хатмкардаи факултаи тарбияи ҷисмонии Донишгоҳи давлатии омӯзгории Доғистон мебошад. Аз 12-солагӣ ба гӯштин машғул шудааст.

Юсуф Абдусаломов дар давраи солҳои 2000-2013 узви дастаи мунтахаби Тоҷикистон оид ба гӯштини тарзи озод буд ва соли 2008 дар Бозиҳои олимпии Пекин медали нуқра ба даст овард.

Ӯ ҳамчунин барандаи медали нуқраи Чемпионати ҷаҳон (2007, Боку), медали нуқраи Бозиҳои Осиё (2002, Бусани Кореяи Ҷанубӣ), медали тилло (2003, Деҳлӣ) ва ду медали биринҷии (2008, 2012) Чемпионати Осиё, ғолиби Бозиҳои 5-уми Осиёи Марказӣ дар Душанбе (2003) мебошад.

Баъд аз анҷоми мартабаи варзишӣ дар ду давраи олимпӣ – аз соли 2013 то соли 2021 — сармураббии дастаи мунтахаби Лаҳистон оид ба гӯштини тарзи озод буд ва ноябри соли 2021 сармураббии дастаи мунтахаби Маҷористон оид ба гӯштини тарзи озод таъйин шуд.

Юсуф Абдусаломов 2 сентябри соли 2008 бо Ордени «Шараф» дараҷаи 1 сарфароз гардонида шудааст.

Акс: КМО Тоҷикистон

Сентябрь 7, 2022 14:50

Хабарҳои дигари ин бахш

ЧЕМПИОНАТИ ОСИЁ. Қаиқрони тоҷик Муҳаммадӣ Раҷабов бо медалҳои тилло ва нуқра ба Ватан баргашт
Бозингари дастаи «Истиқлол»-и Душанбе Рустам Ятимов расман ба дастаи «Ростов»-и Русия гузариш намуд
ҶОМИ ОСИЁ-2025. Моҳи сентябр марҳилаи интихобии мусобиқа баргузор мешавад
ҶОМИ ОСИЁ-2025. Дастаи наврасони Тоҷикистон дар гурӯҳи «J» қарор гирифт
Дар рӯзи аввалини бозиҳои БРИКС варзишгарони тоҷик 2 медали биринҷӣ ба даст оварданд
Ҳайати Тоҷикистон дар ифтитоҳи бозиҳои варзишии БРИКС 2024 дар шаҳри Қазон иштирок намуд
«ҶОМИ ҲИЗБИ ХАЛҚИИ ДЕМОКРАТИИ ТОҶИКИСТОН». Дар Хатлон мусобиқаи футбол оғоз гардид
ЧЕМПИОНАТИ ОСИЁ ОИД БА КУРАШ. Паҳлавонони тоҷик дар он соҳиби панҷ медал шуданд
ҶОМИ ҶАҲОН-2026. Имрӯз дастаи мунтахаби Тоҷикистон бо тими миллии Покистон бозӣ мекунад
Дар Душанбе давраи шаҳрии мусобиқаи хурди футбол барои дарёфти «Ҷоми Ҳизби Халқии Демократии Тоҷикистон» оғоз гардид
ВАРЗИШ-ҚОСИДИ СУЛҲ. Мусобиқаи варзишӣ аз намуди футболи хурд байни муассисаҳои таҳсилоти миёнаи касбии ҷумҳурӣ ҷамъбаст шуд
ҶОМИ ҶАҲОН-2026. Дастаи мунтахаби Тоҷикистон аз тими миллии Урдун мағлуб шуд