Минтақаи озоди иқтисодии «Кӯлоб» бо Парки технологии «Билишим Вадиси»-и шаҳри Қунияи Туркия санади ҳамкорӣ ба имзо расонид
ДУШАНБЕ, 08.09.2022 /АМИТ «Ховар»/. 7 сентябр ҳайати тиҷоратии шаҳри Қунияи Туркия ба шаҳри Кӯлоби вилояти Хатлони Ҷумҳурии Тоҷикистон ташриф овард. Дар ин бора ба АМИТ «Ховар» дар Сафорати Тоҷикистон дар Туркия хабар доданд.
Дар доираи сафар ҳайати Қуния бо роҳбарияти Мақомоти иҷроияи ҳокимияти давлатии шаҳри Кӯлоб мулоқот намуда, аз минтақаи озоди иқтисодии «Кӯлоб» ва дигар корхонаҳои саноатӣ дидан карданд.
Инчунин дар МОИ «КӮЛОБ» бо ҳайати шаҳри Қунияи Ҷумҳурии Туркия ҷаласаи корӣ доир гардид, ки дар он роҳбарияти МОИ «Кӯлоб» вобаста ба имконияти тиҷоратию сармоягузории минтақаи мазкур ва дар маҷмӯъ шаҳри Кӯлоб маълумоти муфассал манзур намуд.
Дар доираи ташриф ба шаҳри Кӯлоб, аз ҷумла миёни Мақомоти иҷроияи ҳокимияти давлатии шаҳри Кӯлоб ва Мунисипалитети шаҳри Қуния, МОИ «Кӯлоб» ва Парки технологии «Билишим Вадиси», инчунин МОИ «Кӯлоб» ва Агентии рушди Мавлонои шаҳри Қуния (MEVKA) санадҳои ҳамкорӣ ба имзо расонида шуданд.
Тавре қаблан АМИТ «Ховар» хабар дода буд, аз 4 то 8 сентябр бо мусоидати Сафорати Тоҷикистон дар шаҳри Анқара ва дигар вазорату идораҳои Тоҷикистон ва Туркия ҳайати тиҷоратии шаҳри Қунияи Туркия ҷиҳати дарёфти роҳҳои нави тақвияти ҳамкории иқтисодию тиҷоратӣ ба Тоҷикистон сафарбар гардид.
АКС: Сафорати Тоҷикистон дар Туркия
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
