ҶОМИ ОСИЁ-2023. Футболбозони тоҷик дар бозии аввал бо дастаи мунтахаби Сингапур мусовӣ карданд

Сентябрь 15, 2022 11:10

ДУШАНБЕ, 15.09.2022 /АМИТ «Ховар»/. Шоми 14 сентябр дар Варзишгоҳи марказии ҷумҳуриявии шаҳри Душанбе мусобиқаи интихобии Ҷоми Осиё-2023 миёни дастаҳои мунтахаби ҷавонони то 20-сола дар гурӯҳи «I» оғоз шуд. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.

Нахуст дастаҳои футболи мунтахаби Камбоҷа ва Лубнон вохӯриашонро дар ин гурӯҳ доир карданд. Дар ин бозӣ дастаи мунтахаби ҷавонони Лубнон бо ҳисоби минималии 1 бар 0 пирӯзӣ ба даст овард. Голи ягонаи вохӯриро Муҳаммад Садек дар дақиқаи 10-уми бозӣ ба нишон расонид.

Мусобиқаи интихобии Ҷоми Осиё-2023 миёни дастаҳои мунтахаби  ҷавонони то 20-сола

Гурӯҳи «I». Даври 1

14 сентябр (чоршанбе)

Камбоҷа 0:0  Лубнон

Гол: Муҳаммад Садек 10′

Душанбе, Варзишгоҳи марказии ҷумҳуриявӣ

Дар бозии дигари ин гурӯҳ дастаи мунтахаби ҷавонони то 20-солаи Тоҷикистон таҳти роҳбарии Аҳлиддин Турдиев дар оғози марҳилаи интихобӣ бо ҳамсолони худ аз Сингапур бозӣ кард.

Вохӯрии дастаҳо бо натиҷаи мусовии 0 бар 0 анҷом ёфт. Футболбозони дастаи мунтахаби Тоҷикистон ҳамчунин дар ҷараёни рақобат аз як ҳолати ба амал омада- аз зарбаи пеналтӣ гол зада натавонистанд.

Мусобиқаи интихобии Ҷоми Осиё-2023 миёни дастаҳои  мунтахаби ҷавонони то 20-сола

Гурӯҳи «I». Даври 1

14 сентябр (чоршанбе)

ТОҶИКИСТОН 0:0  Сингапур

Душанбе, Варзишгоҳи марказии ҷумҳуриявӣ

Ғолибони даҳ гурӯҳи интихобӣ ва панҷ дастаи беҳтарин, ки ҷойҳои дуюмро мегиранд, ба марҳилаи ниҳоии Ҷоми Осиё-2023 (U-20), ки аз 1 то 18 марти соли оянда дарҶумҳурии  Узбекистон баргузор мешавад, роҳ меёбанд.

Даври 2

16 сентябр (ҷумъа)

17:00 –  Сингапур –  Камбоҷа

20:00 –  Лубнон –  ТОҶИКИСТОН

 Даври 3

18 сентябр (якшанбе)

17:00 –  Лубнон –  Сингапур

 20:00 –  ТОҶИКИСТОН –  Камбоҷа

 P.S. Ҳамаи бозиҳо дар Варзишгоҳи марказии Душанбе баргузор мешаванд.

АКС: Федератсияи футболи Тоҷикистон

Сентябрь 15, 2022 11:10

Хабарҳои дигари ин бахш

ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд
Се варзишгари навраси тоҷик аз намуди бокс ба даври ниҳоии Бозиҳои сеюми кишварҳои ИДМ роҳ ёфтанд