«ШАҲРИ ОФТОБИИ МАН». Манижа Сангин барои баргузории нахустин консерти яккасароӣ дар Тоҷикистон вориди Душанбе шуд

Сентябрь 5, 2022 11:00

ДУШАНБЕ, 05.09.2022 /АМИТ «Ховар»/. «Душанбеи ман! Шаҳри офтобии ман!»,- овозхони тоҷиктабори Русия Манижа Сангин изҳори шодии худро аз мулоқоти деринтизор  бо шаҳри дӯстдоштааш рӯзи шанбеи 3 сентябр дар саҳифаи фейсбукиаш ин гуна баён дошт.

Овозхони маъруф аз омаданаш ба пойтахти Тоҷикистон — маконе, ки  нақша дорад консерти худро баргузор намояд, хабар дод.

Мо фурӯши чиптаҳои консерти аввалини яккасароии маро дар Тоҷикистон бо номи «Шаҳри Офтоб», ки 9 октябр дар Душанбе дар саҳни «Кохи Суруш» баргузор мегардад, оғоз кардем, — навиштааст ӯ.

Тавре қаблан АМИТ «Ховар» хабар дода буд, «Сафари ҳунарии лағвнашаванда» моҳи сентябри соли 2022 оғоз шуда, дар қисмати аввал кишварҳоеро, чун Арманистон, Гурҷистон, Қазоқистон, Қирғизистон ва Узбекистон фаро мегирад. Манижа дар зодгоҳаш — шаҳри Душанбе низ консерти калон барпо хоҳад кард.

Ҳамчунин зикр шудааст, ки як қисми даромад аз консертҳо дар доираи сафари ҳунарӣ ба Бунёди дастгирӣ ва ҳимояи одамон дар вазъияти душвори ҳаёт- SILSILA, ки Манижа ҳамроҳ бо модараш Наҷиба таъсис додааст, фиристода мешаванд.Дар Душанбе барои харид ё дархости чипта метавонед  ба ин манбаъ муроҷиат намоед: https://echipta.tj/preview.php?id=11903

«Ҳамаи шуморо бесаброна интизорам»,-муроҷиат намудааст Манижа ба мухлисони худ.

АКС: Global Look Press

 

Сентябрь 5, 2022 11:00

Хабарҳои дигари ин бахш

Байни «Тоҷикфилм» ва «Сарез Сармоя» шартномаи ҳамкорӣ оид ба таҳияи филми мустанади «Сарез» имзо шуд
«ҲАР ОН КАС, КИ «ШОҲНОМА»-ХОНӢ КУНАД…». Дар Донишгоҳи давлатии Хуҷанд конференсияи байналмилалии илмӣ-амалӣ доир шуд
«Тоҷикфилм» ва Синамогурӯҳи «Ғарб» Ёддошти тафоҳум ба имзо расониданд
18 МАЙ-РӮЗИ БАЙНАЛМИЛАЛИИ ОСОРХОНАҲО. Онҳо ба мардум фароғати фарҳангӣ бахшида, бо таърих ва фарҳанги қадимӣ шинос менамоянд
ОСОРХОНА — ОИНАИ ТАЪРИХИ ХАЛҚ. Эҳдо ба Рӯзи байналмилалии осорхонаҳо
Ҳамкории Академияи миллии илмҳои Тоҷикистон бо муассисаҳои илмии Чин густариш меёбад
Дар Панҷакент Кӯшки суғдӣ кашф гардид
БАХШИДА БА РӮЗИ БАЙНАЛМИЛАЛИИ ОСОРХОНАҲО. Дар Осорхонаи миллии Тоҷикистон иқдоми байналмилалии «Шабе дар осорхона» доир мешавад
Оҳангсоз аз Эрон: «Шашмақомсароёни тоҷик хеле садои дилнишину оромбахш дошта, дар фосилаҳои садоии созҳои ин жанр бартарӣ доранд»
Дар доираи Фестивал-симпозиуми байналмилалии «Шашмақом» дарси маҳорат бо услуби «устод – шогирд» доир шуд
150 номгӯй китоби бадеӣ, илмӣ ва таърихии нашриёти Тоҷикистон ба Намоишгоҳи байналмилалии «Китоби Теҳрон» пешниҳод гардид
«БОЗ ДАР ГӮШАМ РАСАД САВТУ НАВОИ ШАШМАҚОМ». Имрӯз дар Тоҷикистон Рӯзи шашмақом таҷлил мегардад