ҲАШТОДУ ЯК ДАВИ ДИГАР МОНД. Мина Гулӣ дави охиринро дар Конфронси оби СММ-2023 ҷамъбаст мекунад
ДУШАНБЕ, 05.11.2022 /АМИТ «Ховар»/. Давандаи австралиягӣ Мина Гулӣ аз 200 дави банақшагирифта дар арафаи Конфронси оби СММ-2023, ки 22-24 марти соли 2023 таҳти ҳамраисии Тоҷикистон ва Шоҳигарии Нидерланд дар Ню-Йорк доир мегардад, то имрӯз 119-тои онро анҷом додааст. Дави охирини ӯ ба Урдун рост меояд. Дар ин бора АМИТ «Ховар» бо истинод ба саҳифаи фейсбукии давандаи австралиягӣ Мина Гулӣ иттилоъ медиҳад.
Дар марафони дастаи #RunBlue (#ДавиКабуд) Мина Гулӣ дар конфронсҳо ширкат намуда, бо сиёсатмадорон, роҳбарони созмонҳои ғайридавлатӣ ва пешвоёни ҷаҳонӣ дар бораи марафонҳояш ба шарафи Конфронси об суҳбат мекунад.
«Давидани 200 марафон осон нест. Вақте ки бароям марафон душвор менамояд, ба худам хотиррасон мекунам, ки ман уҳдадор шудаам ва онро иҷро мекунам. Ҳар қадар душвор бошад ҳам, ман аз уҳдаи кор мебароям. Моҳи марти соли 2023 дар зинапояҳои бинои СММ дар Ню Йорк, дар Конфронси оби СММ-2023 онро ба итмом мерасонам», — навиштааст Мина Гулӣ дар саҳифаи фейсбукии худ.
Ёдовар мешавем, ки шаҳрванди Австралия Мина Гулӣ аз 15 май то 10 июни соли равон бо дави беназири худ дар Тоҷикистон дар 11 марафон бахшида ба Даҳсолаи амал «Об барои рушди устувор, солҳои 2018-2028» ширкат варзиж. Ӯ ҳамчунин дар Конфронси дуюми байналмилалии сатҳи баланд оид ба об дар Душанбе, ки аз 6 то 9 июн баргузор шуд, иштирок намуда, дар доираи он бо Президенти мамлакат муҳтарам Эмомалӣ Раҳмон мулоқот кард.
Бояд тазаккур дод, ки яке аз ҳадафҳои асосии давҳои Мина Гулӣ, ки дар тамоми ҷаҳон доир мегарданд, ин тарғибу ташвиқи масоили об, гузаронидани суҳбат бо тарафҳои ҳавасманд ва огоҳӣ пайдо кардан аз мушкилоти онҳо мебошад, ки дар раванди Конфронси оби СММ-2023 овози онҳо низ расонида мешавад.
Манижа БАҲРОМЗОДА,
АМИТ «Ховар»
АКС аз манбаъҳои боз
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
Харитаи роҳи Ҳадафи 7-уми Рушди Устувор барои Тоҷикистон расман оғоз гардид
«Тоҷик Эйр» дар масири Душанбе-Ванҷ-Душанбе аввалин парвози ҳавоиро анҷом дод
Масъалаҳои муҳими марбут ба пешгирии хавфҳои ҷойдошта дар ҷаласаи Шурои комплаенс баррасӣ гардиданд
Дар шаҳри Истаравшан 20 навъи ангур парвариш меёбад
Байни Тоҷикистон ва Бонки осиёии сармоягузориҳои инфрасохторӣ Созишномаи грантӣ ба имзо расид
Масъалаи таҳкими ҳамкорӣ байни мақомоти гумруки Тоҷикистон ва Агентии ҳамкории байналмилалии Корея баррасӣ гардид
