Тоҷикистон ва Амрико ҳамкориро дар масъалаи тағйирёбии иқлим ва ҳифзи муҳити зист тақвият медиҳанд
ДУШАНБЕ, 11.11.2022 /АМИТ «Ховар»/. Таҳкими ҳамкории Тоҷикистон ва Амрико дар заминаи тағйирёбии иқлим ва ҳифзи муҳити зист зимни мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Намояндаи махсуси Президенти Иёлоти Муттаҳидаи Амрико оид ба масъалаҳои иқлим Ҷон Керрӣ дар ҳошияи Конфронси 27-уми ҷонибҳои Конвенсияи чаҳорчӯбаи СММ оид ба тағйирёбии иқлим дар Шарм-уш-Шайхи Миср баррасӣ гардид. Дар ин бора ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Баҳодур Шерализода ба Ҷон Керрӣ дар бораи иқдомоти кунунии Тоҷикистон дар арсаи байналмилалӣ дар заминаи тағйирёбии иқлим, об ва муҳити зист маълумот дод. Аз ҷумла, ба ташаббуси Тоҷикистон дар мавриди эълони соли 2025 Соли байналмилалии ҳифзи пиряхҳо таваҷҷуҳи хосса зоҳир карда шуд. Ҳамчунин дар бораи ҳамкории Кумита ва Оҷонсии Амрико оид ба рушди байналмилалӣ дар соҳаи ҳиссагузориҳои миллии муайяншуда сухан рафт.
Ҷон Керрӣ аҳамият ва саривақтӣ будани ташаббусҳои ҷаҳонии роҳбарияти олии Тоҷикистонро дар соҳаи тағйирёбии иқлим ва об махсус таъкид намуд.
Ҳамчунин мавсуф ба ҷониби Тоҷикистон дар бораи ташаббуси ҷаҳонии Иёлоти Муттаҳидаи Амрико ва Иттиҳоди Аврупо – Уҳдадориҳои глобалии метан, ки кишварҳои ҳамроҳ тасмим доранд то соли 2030 партови метанро то 30% коҳиш диҳанд, маълумот дод.
Ҷонибҳо ба тавофуқ расиданд, ки ба ҳамкории Тоҷикистон ва Амрико дар заминаи тағйирёбии иқлим ва ҳифзи муҳити зист тақвият бахшанд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишҳоро ба харҷ медиҳад
Мудири Барномаи рушди Созмони Милали Муттаҳид ба Конфронси 4-уми оби Душанбе даъват шуд
Дар Ню-Йорк нақши ташаббусҳои Тоҷикистон дар платформаҳои сиёсии ҷаҳонӣ баррасӣ гардид
Сафири Тоҷикистон бо муовини Вазири корҳои хориҷии Миср мулоқот намуд
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
Дар Душанбе рушди муносибатҳои дуҷонибаи Тоҷикистону Чин баррасӣ гардид
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
Ҷаласаи раёсати Комиссияи миллии Ҷумҳурии Тоҷикистон оид ба корҳои ЮНЕСКО оғоз гардид
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
