ФУТЗАЛ. Иштирокчиёни даври нимфинали Ҷоми Тоҷикистон-2022 муайян шуданд

Декабрь 5, 2022 10:32

ДУШАНБЕ, 05.12.2022 /АМИТ «Ховар»/. Дар шаҳри Душанбе марҳилаи гурӯҳии Ҷоми Тоҷикистон-2022 оид ба футзал ба анҷом расида, иштирокчиёни даври нимфинали мусобиқа муайян гардиданд, хабар медиҳад АМИТ «Ховар» бо истинод ба Федератсияи футболи Тоҷикистон.

Дар марҳилаи гурӯҳии Ҷоми Тоҷикистон-2022 ҳашт даста ба ду гурӯҳ тақсим шуданд. Бозиҳо дар ин марҳила аз рӯйи системаи гурӯҳӣ гузаронида шуданд.

Дар гурӯҳи «А» Чемпиони Тоҷикистон- «Соро компания»-и Душанбе бар «Вавилон» (16:7), «Пойтахт» (19:2) ва «Осимӣ» (6:2) пирӯзии калон ба даст овард. Дастаи Пайрав Воҳидов бо нуҳ имтиёз дар чаҳоргонаи худ мақоми аввалро касб кард. Як роҳхати дигари даври ниманиҳоиро аз гурӯҳи «А» дастаи «Вавилон» (6 имтиёз) соҳиб шуд.

Дар гурӯҳи «Б» ду даста – «Амонатбонк» ва «Рахш-Такси» пас аз се бозӣ ҳафтимтиёзӣ ба даст овардаанд, вале ба далели беҳтар будани таносуби тӯбҳо мақоми аввалро «Амонатбонк» касб кард.

7 декабр дар маҷмааи варзишии Кумитаи андози ҶТ бозиҳои даври нимфинали Ҷоми Тоҷикистон-2022 баргузор мешаванд. Соати 18:00 вохӯрии «Соро компания» ва «Рахш-Такси» оғоз мегардад. Дар вохӯрии дигари даври ½-ниҳоӣ, соати 19:30 «Вавилон» ва «Амонатбонк» ба ҳам меоянд.

Бояд гуфт, ки вохӯрии финали Ҷоми кишвар оид ба футзал 9 декабр сурат мегирад.

Ҷоми Тоҷикистон-2022 оид ба футзал
Даври нимфиналӣ

5 декабр (душанбе)

18:00 – «Соро компания» – «Рахш-Такси»

19:30 – «Вавилон» – «Амонатбонк»

Акс: ФФТ

Декабрь 5, 2022 10:32

Хабарҳои дигари ин бахш

ҶОМИ ФЕДЕРАТСИЯ-2023. Шаш дастаи иштирокчии қисми ниҳоии он муайян гардиданд
Ҷоизадори Бозиҳои олимпӣ Юсуф Абдусаломов мураббии нави дастаи мунтахаби Тоҷикистон оид ба гӯштини тарзи озод шуд
Роҳбарияти Федератсияи футболи Тоҷикистон дар Конгресси 33-юми Конфедератсияи футболи Осиё иштирок кард
Футболбози тоҷик расман бозигари дастаи «Думиенсе»-и Португалия шуд
ФУТБОЛ. Аҳтам Назаров фаъолияти худро дар дастаи «Андиҷон»-и Узбекистон идома медиҳад
Варзишгарони тоҷик дар Чемпионати Осиё оид ба варзиши сабук иштирок мекунанд
ДЗЮДО. Дар Душанбе Чемпионати Тоҷикистон байни калонсолон баргузор мешавад
ФУТБОЛ. Дастаи мунтахаби ҷавонони Тоҷикистон бозиро бо дастаи ЛКС-и Лаҳистон мусовӣ кард
ҶОМИ ОСИЁ-2023. Футболбозони ҷавони тоҷик имрӯз бо дастаи ЛКС-и Лаҳистон бозии санҷишӣ анҷом медиҳанд
РАМЗИ УМЕДВОРӢ. Федератсияи дзюдои Тоҷикистон нишони нави худро пешниҳод кард
ЧЕМПИОНАТИ CAFA-2023. Дастаи мунтахаби занонаи футзали Тоҷикистон бар дастаи Қирғизистон пирӯз шуда, мақоми сеюмро гирифт
ЧЕМПИОНАТ ОИД БА ГӮШТИН БАЙНИ КАЛОНСОЛОН. Ғолибони он ба дастаи миллии Тоҷикистон шомил мешаванд