ФУТБОЛ. Дастаи мунтахаби ҷавонони Тоҷикистон бозии якуми санҷиширо бо дастаи Ироқ мусовӣ анҷом дод

Январь 24, 2023 09:13

ДУШАНБЕ, 24.01.2023 /АМИТ «Ховар»/. Дастаи мунтахаби ҷавонони Тоҷикистон (U-20) оид ба футбол таҳти роҳбарии мутахассиси беларусӣ Олег Кубарев дар ҷамъомади таълимиву тамринии Туркия нахустин бозии санҷишӣ анҷом дод. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад. 

Ҳарифони дастаи мо ҷавонони Ироқ (U-20) буданд. Вохӯрӣ 23 январ дар маҷмааи варзишии «Арслан Зеки Демирчӣ» доир шуда, бо ҳисоби мусовии 0:0 поён ёфт.

Бозии навбатии санҷишии худро дар ҷамъомади таълимиву тамринии Туркия тими ҷавонони Тоҷикистон 26 январ бо бошгоҳи «Бухоро», ки роҳбарии онро дастпарвари футболи тоҷик Ҳаким Фузайлов бар уҳда дорад, баргузор мекунад.

Бозии санҷишӣ

ТОҶИКИСТОН (U-20) – Ироқ (U-20) – 0:0

Дастаи ҷавонони Тоҷикистон (ҳайати асосӣ): Суҳробхӯҷа Юсупов, Содиқҷон Қурбонов, Меҳрубони Абдурауф, Шаҳриёри Иноятулло, Фахриддин Ахтамов, Азизбек Ҳайитов, Алиҷони Айнӣ, Салам Ашӯрмамадов, Амадонӣ Камолов, Хусрав Тоиров, Абдулфаттоҳ Худойдозода.

23 январ. Сиде, Туркия. Маҷмааи варзишии «Арслан Зеки Демирчӣ».

Акс: ФФТ

Январь 24, 2023 09:13

Хабарҳои дигари ин бахш

Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд
Дар Қалъаи Муғтеппаи шаҳри Истаравшан Мусобиқаи байналмилалии гӯштингирӣ оғоз ёфт
Чор паҳлавони тоҷик соҳиби шоҳҷоизаҳо дар мусобиқаи гӯштини миллӣ дар ноҳияи Данғара шуданд
Моҳи май дар Душанбе Мусобиқаи байналмилалии Гран — Слам оид ба гӯштини ҷудо баргузор мегардад