Ҳушдори Вазорати корҳои дохилии ҶТ ба ронандагон: бе таъмини сӯзишвории дизелии зимистона ва хушсифат ба роҳ набароед!
ДУШАНБЕ, 18.01.2023 /АМИТ «Ховар»/. Вазорати корҳои дохилии Ҷумҳурии Тоҷикистон ба диққати роҳбарони муассисаҳои нақлиётӣ ва ронандагони мошинҳои боркаш мерасонад, ки ҳангоми сафар ба минтақаҳои дорои ҳавои сарди шадид бе таъмини сӯзишвории дизелии махсуси зимистона ва хушсифат ба роҳ набароянд. Дар ин бора АМИТ «Ховар» бо истинод ба Вазорати корҳои дохилӣ хабар медиҳад.
Ҳафтаи охир бинобар паст шудани ҳарорати ҳаво дар минтақаҳои гуногуни Вилояти Мухтори Кӯҳистони Бадахшон бо сабаби аз тарафи баъзе ронандагон истифода намудани сӯзишвории дизелии тобистона ва пастсифат мошинҳо ях карда, дар роҳ банд мондаанд.
Тавре қаблан АМИТ «Ховар» бо истинод ба Агентии «Тоҷикстандарт» хабар дода буд, имрӯзҳо дар бозори истеъмолии дохилии Тоҷикистон баъзе соҳибкорон навъҳои пастсифату ғайристандартии моеи зиддисардӣ, ба истилоҳ «Антифриз»-ро ба харидорон пешниҳод мекунанд, ки бар зарарари истеъмолкунандагонанд.
«То ҳол соҳибкороне ҳастанд, ки маҳсулоти серталаботро тақаллубкорӣ карда, ба шакли он монанд маҳсулот истеҳсол мекунанд, вале ба сифату таркиби он аслан аҳамият намедиҳанд. Чораҷӯиҳои вақтҳои охир ва санҷишҳои озмоишгоҳӣ маълум карданд, ки дар баъзе аз ин намуди маҳсулот ба ҷуз об ва моддаи рангкунанда дигар чизе мавҷуд нест, ҳол он ки таркиби моеи «Антифриз» танҳо аз об, спирти 2-атомаи этилингликол ва маводи рангкунанда иборат аст», — омадааст дар муроҷиатномаи агентӣ.
Ёдовар мешавем, ки тибқи иттилои Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон чунин ҳавои хунук дар мамлакат то 25 январ идома меёбад.
АКС аз манбаъҳои боз
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
