Агентии беҳдошти замин ва обёрии Тоҷикистон соли 2022 ба дарозии 50,5 км корҳои соҳилмустаҳкамкунӣ гузаронидааст

Февраль 1, 2023 09:11

ДУШАНБЕ, 01.02.2023. /АМИТ «Ховар»/. Дар доираи «Барномаи давлатии корҳои соҳилмустаҳкамкунӣ дар Ҷумҳурии Тоҷикистон барои солҳои 2018-2022» соли сипаришуда дар ҷумҳурӣ аз ҳисоби ҳамаи манбаъҳо ба дарозии 50,5 км (198 фоизи нақша) ба маблағи 133,7 млн.сомонӣ (185 фоиз) корҳои соҳилмустаҳкамкунӣ гузаронида шудааст. Чунин иттилоъ дода шуд дирӯз, 31 январ зимни нишасти матбуотии Агентии беҳдошти замин ва обёрии назди Ҳукумати Ҷумҳурии Тоҷикистон.

«Дар умум дар давоми 5 сол аз ҳисоби тамоми манбаъҳо ба маблағи 480,7 млн.сомонӣ ба дарозии 216,0 км корҳои соҳилмустаҳкамкунӣ гузаронида, иншооти харобгардидаи муҳофизатии соҳил барқарору мустаҳкам гардида, то андозае хавфи шусташавии заминҳо ва иншооти хоҷагии халқ коҳиш дода шуд»,- иброз гардид дар нишаст.

Тазаккур дода шуд, ки намояндагони Агентии беҳдошти замин ва обёрии назди Ҳукумати Ҷумҳурии Тоҷикистон барои пешгирии хавфи офатҳои табиӣ бо истифода аз механизмҳои зарурӣ корҳои соҳилмустаҳкамкуниро бо вусъат идома дода, ҳамасола то баланд шудани сатҳи оби дарёҳо ва омадани селҳои мавсимӣ қисматҳои осебпазирро бо гузаронидани корҳои заминӣ, гузоштани тахтасангҳо ва сохтани садду обгардонҳо аз нав барқарор менамоянд.

АКС: АМИТ «Ховар»

Февраль 1, 2023 09:11

Хабарҳои дигари ин бахш

Имрӯз дар ноҳияҳои алоҳидаи Тоҷикистон борон пешгӯӣ мешавад
«Ватанпарвар» дар Роштқалъа наврасонро ба хизмати Модар-Ватан омода менамояд
Шумораи бедаракшудагон дар Эквадор бар асари ярч ба 71 нафар расид
Имрӯз дар шаҳри Душанбе ҳаво рӯзона то 24 дараҷа гарм мешавад
Ба сокинони ҷамоатҳои деҳоти Даҳана ва Зиракии шаҳри Кӯлоб Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Бар асари фаромадани ярч дар қисмати марказии Эквадор 16 нафар ба ҳалокат расид
Тӯфони марговари «Фредди» якбора чанд рекорд нишон дод
Ҳар панҷумин белгиягӣ маҷбур аст, ки маҳсулотро аз хориҷа харидорӣ кунад
Бар асари тирпаронӣ дар мактаби Нэшвиллеи Амрико шаш нафар ба ҳалокат расид
80 ҷавони синни даъватӣ дар Мактаби муттаҳидаи техникии шаҳри Турсунзода касби ронандагӣ меомӯзад
Имрӯз дар Тоҷикистон ҳаво рӯзона то 28 дараҷа гарм мешавад
Зӯроварӣ бо силоҳ ба ҳама ҷабҳаҳои ҳаёти шаҳрӣ таъсир мерасонад