Дар Донишгоҳи байналмилалии забонҳои хориҷии Тоҷикистон 22 ихтисоси нав ба роҳ монда мешавад
ДУШАНБЕ, 08.02.2023 /АМИТ«Ховар»/. Раёсати Донишгоҳи байналмилалии забонҳои хориҷии Тоҷикистон ба номи Сотим Улуғзода тасмим гирифтааст, ки дар оянда дар зинаҳои гуногуни таҳсил 22 ихтисоси нав роҳандозӣ намояд. Дар ин хусус имрӯз зимни нишасти матбуотӣ ба хабарнигорон роҳбари ин муассиса иттилоъ дод.
Ректори Донишгоҳи мазкур Жило Гулназарзода тазаккур дод, ки имрӯзҳо ин муассисаи олии мамлакат мутахассисонро аз рӯйи 11 забон ва 31 ихтисос дар зинаи бакалавриат, 5 ихтисос дар зинаи магистратура ва 5 ихтисос дар зинаи докторантура бо касбҳои ба бозори меҳнат рақобатпазир омода менамояд.
“Шумораи умумии донишҷӯён дар маҷмӯъ 5056 нафарро ташкил медиҳад, ки донишҷӯёни шакли рӯзонаи Донишгоҳ 3256 нафар ва шуъбаи таҳсилоти фосилавӣ 1800 нафар мебошанд. 3606 нафари онҳо ё ин ки 71,3% духтарро ташкил медиҳанд. Таҳлилҳои омории соли охир нишон дод, ки динамикаи афзоиши шумораи донишҷӯён ба назар расида, нисбат ба ҳамин давраи соли 2021 3,7%, ё ин ки 190 нафар зиёд гардидааст”,- гуфт номбурда.
Ҳамзамон тазаккур дода шуд, ки дар давраи ҳисоботӣ донишгоҳро 932 нафар, аз ҷумла, 17 нафар бо дипломи аъло хатм намуданд.
Ҳамзамон дар нишасти матбуотӣ иттилоъ дода шуд, ки Раёсати Донишгоҳи байналмилалии забонҳои хориҷии Тоҷикистон дар давраи ҳисоботӣ ҷиҳати сафарбар намудани донишҷӯён ба таҷрибаомӯзии омӯзгорӣ ва тарҷумонӣ бо 8 шуъбаи маориф, 26 муассисаи таълимии миёна, литсейҳо, муассисаҳои таҳсилоти олии касбӣ ва 14 корхонаву ташкилот шартномаи ҳамкорӣ ба тасвиб расонид.
София ШОИК,
АМИТ «Ховар»
АКС: АМИТ «Ховар»
Тоҷикистон ва Чин оид ба тақвияти мубодилаи илмӣ, техникӣ ва гуманитарӣ Ёддошти тафоҳум имзо намуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
