НИШАСТИ МАТБУОТӢ. Дар Тоҷикистон таъсири сардиҳо ба хоҷагии қишлоқ, маҳсулоти кишоварзӣ ва чорводорӣ бе асар намонд

Февраль 2, 2023 16:06

ДУШАНБЕ, 02.02.2023 /АМИТ «Ховар»/. То ба имрӯз аз рӯи пешниҳоди мутахассисони гурӯҳҳои корие, ки дар бозорҳои шаҳру ноҳияҳо фаъолият мекунанд, 17 тонна картошка, 6 тоннаю 695 кг пиёз, 6 тоннаву 126 кг сабзӣ, 14 тоннаву 72 кг мевагиҳо талаф ёфта, аз муомилот боз дошта шуданд. Дар ин хусус имрӯз зимни нишасти матбуотӣ Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода иттилоъ дод.

Ҳамзамон ба таъкиди мавсуф, дар ноҳияҳои картошкапарвари Шаҳристону Деваштич 362 тонна картошкаи тухмиро сармо задааст.

Муҳаммадсаид Файзуллозода гуфт, гарчанде тибқи иттилои Агентии обуҳавошиносии мамлакат аввали моҳи январ пешгӯӣ шуда буд, ки дар пеш сардиҳои шадид аст ва бештари хоҷагидорон ба он омодагӣ дида буданд, аммо новобаста ба ин сардиҳо таъсири худро ба хоҷагии қишлоқ, маҳсулоти кишоварзӣ ва чорводорӣ расониданд.

Ҳамзамон тибқи маълумоти расида, бо сабаби сардиҳо дар ҳудуди Вилояти Мухтори Кӯҳистони Бадахшон талафоти чорвои калону майда ба қайд гирифта шуд.

«Дар маҷлиси ҷамъбастии Ҳукумати ҷумҳурӣ 24 январ бо супориши бевоситаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон гурӯҳи корӣ таъсис ёфт. Ин гурӯҳ аллакай дар шаҳру ноҳияҳои ҷумҳурӣ ба фаъолият шурӯъ кардааст. Гурӯҳи корӣ зарарҳоеро, ки сардиҳо ба бор овардаанд, мавриди омӯзиш қарор медиҳад», — иброз дошт Раиси Кумитаи мазкур.

Гурӯҳҳои корӣ дар ҳамдастӣ бо Вазорати кишоварзӣ ҳам майдони боғҳо ва ҳам анборҳои захиравии маҳсулоту ғалладонагиҳоро санҷида, зарарро муайян мекунанд.

Тазаккур дода шуд, ки аз рӯи маълумоти пешакӣ дар сардиҳои шадид дар бозорҳои истеъмолӣ 64 тонна маҳсулоти истеъмолӣ аз муомилот бардошта шуд.

Гуфта шуд, ки зарари сардиҳо ба боғу токзор ва зироати тухмӣ низ каму беш расидааст.

София ШОИК,
АМИТ «Ховар»

АКС: АМИТ «Ховар»

Февраль 2, 2023 16:06

Хабарҳои дигари ин бахш

Дар Душанбе ҷаласаи сарони бюроҳои марказии миллии интерполҳои Осиёи Марказӣ оғоз ёфт
Дар Истаравшан оид ба даъвати ҷавонон ба сафи Қувваҳои Мусаллаҳ ҷаласа доир гардид
Дар Тоҷикистон ҷаласаи сарони бюроҳои марказии миллии интерполҳои Осиёи Марказӣ баргузор мегардад
Дар мақомоти корҳои дохилии вилояти Суғд ба корҳои созандагӣ оғоз бахшида шуд
ХИЗМАТ БА ВАТАН УҲДАДОРӢ АСТ! Барои саркашӣ намудан аз хизмати ҳарбӣ 108 нафар ба ҷавобгарии ҷиноятӣ кашида шуд
ДАЪВАТИ БАҲОРӢ. Дар Сарпрокуратураи ҳарбӣ ҷаласаи васеи ҳайати мушовара доир гардид
ТАЪСИРИ ТЕРРОРИЗМ ВА ЭКСТРЕМИЗМ БА ҲАЁТИ ҶАВОНОН. Насли ояндасозро зарур аст, ки ҳушёру эҳтиёткор бошад
Дар Тоҷикобод доир ба пешгирии терроризм бо ҷавонону фаъолон вохӯрӣ баргузор карда шуд
ВАТАНРО МИСЛИ СПИТАМЕН, ТЕМУРМАЛИКУ ВОСЕЪ БОЯД ДӮСТ ДОШТ. Ҷавонон бояд бо сари баланд ба хизмати ҳарбӣ раванд!
ХИЗМАТ БА ВАТАН УҲДАДОРИСТ! Дар Вазорати мудофиаи Тоҷикистон ҷаласа оид ба даъвати ҷумҳуриявӣ баргузор гардид
Қонун «Дар бораи тарбияи ватандӯстӣ» ба пешгирии ифротгароӣ ва рушди тафаккури миллӣ нигаронида шудааст
Ба Раёсати СММ оид ба маводи нашъаовар ва ҷинояткорӣ дар бораи сиёсати зиддимухаддиротии Тоҷикистон маълумот дода шуд