Вакили Маҷлиси намояндагони Тоҷикистон дар Форуми нахустини байнипарлумонии давлатҳои Осиёи Марказӣ маърўза кард

Февраль 10, 2023 18:31

ДУШАНБЕ, 10.02.2023 /АМИТ«Ховар»/. Тавре қаблан иттилоъ додем, имрўз дар шаҳри Туркистони Қазоқистон Форуми нахустини байнипарлумонии давлатҳои Осиёи Марказӣ доир гардид. Муовини раиси кумитаи Маҷлиси намояндагони Маҷлиси Олии Ҷумҳурии Тоҷикистон оид ба сохтори давлатӣ ва худидоракунии маҳаллӣ Шарифҷон Ҳакимзода дар Форуми мазкур дар мавзӯи «Нақши вакилони парлумон дар густариши ҳамкории фарҳангӣ дар асоси мероси умумии таърихию фарҳангӣ» маърӯза намуд. Дар ин хусус АМИТ «Ховар» бо истинод ба котиби матбуоти Маҷлиси намояндагон Муҳаммадато Султонов хабар медиҳад.

Мавсуф иброз дошт, ки Ҷумҳурии Тоҷикистон дар сиёсати хориҷии худ дар асоси усул ва принсипи асосии «дарҳои боз» бо 180 давлати ҷаҳон, аз ҷумла бо давлатҳои Осиёи Марказӣ муносибатҳои дипломатӣ барқарор намуда, аъзои комилҳуқуқу фаъоли Созмони Милали Муттаҳид ва дигар сохторҳои бонуфузи ҷаҳонӣ ва минтақавӣ мебошад.

«Дар давраи равобити дипломатӣ байни давлатҳо барои тавсеаи минбаъдаи ҳамкории амалӣ заминаи хуб фароҳам оварда шуда, муҳимтар аз ҳама, сатҳи баланди шарикӣ, эътимод ва эҳтироми тарафайн ба даст омад. Сатҳи баланди муносибатҳоро заминаи мустаҳками шартномавию ҳуқуқӣ, ки зиёда аз 500 созишномаи байнидавлатӣ, байниҳукуматӣ ва байниидоравиро дар бар мегирад, тасдиқ мекунад»,-тазаккур дод ў.

Шарифҷон Ҳакимзода таъкид намуд, ки рушди ҳамкории дуҷонибаи тиҷоративу иқтисодии давлатҳои минтақа дар муносибатҳои мавҷуда авлавиятнок боқӣ мемонад ва илова кард, ки дар доираи муносибатҳои дипломатӣ ба рушди робитаҳои фарҳангию гуманитарӣ аҳамияти калон дода мешавад.

Номбурда изҳор дошт, ки давлатҳои минтақа дар фазои байналмилалии таҳсили олӣ бештар ҳамгиро шудаанд. Масалан, табодули донишҷӯён дар доираи лоиҳаи «Ҳаракати академӣ» ба рушди касбии захираҳои инсонӣ мусоидат намуда, иқтидори ҳамкории байналмилалии муассисаҳои таҳсилоти олии иштироккунандаро афзун намуд.

АКС: Маҷлиси намояндагон Маҷлиси Олии Ҷумҳурии Тоҷикистон

Февраль 10, 2023 18:31

Хабарҳои дигари ин бахш

Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Раиси Маҷлиси Шурои исломии Ҷумҳурии Исломии Эрон Муҳаммадбоқир Қолибоф барқияи изҳори тасаллӣ ирсол намуданд
Дар Маҷлиси намояндагони Маҷлиси Олии Ҷумҳурии Тоҷикистон машварати корӣ баргузор гардид
Дар Душанбе раисони кумитаҳои Маҷлиси намояндагон ва намояндагони Бонки ҷаҳонӣ мулоқот намуданд
ҚАБУЛИ ҚОНУНИ МИЛЛӢ ДАР ТАҲРИРИ НАВ. Он ба таҳкими сатҳи маънавиёти шаҳрвандон ва некуаҳволии шахс, оила ва ҷомеа равона шудааст
ҚОНУНИ МИЛЛӢ ДАР ТАҲРИРИ НАВ ҚАБУЛ ГАРДИД. Акнун тарбияи кӯдак аз ҷониби се ниҳоди иҷтимоӣ — оила, мактаб ва ҷомеа амалӣ мешавад
Ҳамкории байнипарлумонии Тоҷикистон бо Узбекистон ва Қатар баррасӣ шуд
Вакилони Парлумони Тоҷикистон дар ҳамоиш оид ба ҳифзи арзишҳои демократӣ дар шаҳри Брюссел иштирок доранд
Мавсума Муинӣ дар доираи Форуми занони Осиё бо Танзила Норбоева мулоқот намуд
Мавсума Муинӣ: «Ҳукумати Тоҷикистон баҳри таъмини риояи ҳуқуқҳои конститутсионии занон тадбирҳои муҳим меандешад»
Маҳмадалӣ Ватанзода бо ҳайати вакилони Думаи давлатии Маҷлиси федералии Федератсияи Русия мулоқот намуд
Дар иҷлосияи Маҷлиси намояндагон ба якчанд қонуни Ҷумҳурии Тоҷикистон тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон бо ҳайати парлумони Бундестаг мулоқот доир шуд