Имрӯз дар шаҳри Душанбе мулоқоти ҳайатҳои Тоҷикистону Русия баргузор гардид

Март 3, 2023 11:10

ДУШАНБЕ, 03.03.2023 /АМИТ «Ховар»/. Имрӯз дар шаҳри Душанбе мулоқоти ҳайатҳои Тоҷикистону Русия баргузор гардид. Мавзуъҳои гуногун мавриди муҳокима қарор гирифта, барои таҳкими минбаъдаи робитаҳои дуҷониба бо имзои санадҳои нави ҳамкорӣ заминагузорӣ карда шуд, хабар медиҳад АМИТ «Ховар».

Муҳокимаи мавзуъҳои гуногуни муносибатҳои дуҷониба дар музокироти ҳайатҳои Тоҷикистону Русия таҳти раёсати Сарвазири Ҷумҳурии Тоҷикистон Қоҳир Расулзода ва Раиси Ҳукумати Федератсияи Русия Михаил Мишустин баргузор гардид.

Сарвазири мамлакат Қоҳир Расулзода натиҷаҳои мулоқоту музокироти баргузоршударо дар идомаи сиёсати созандаи сарони ҳар ду давлат барои ба сатҳи сифатан нави рушд баромадани дӯстӣ ва шарикии стратегии Тоҷикистону Русия муҳим арзёбӣ кард.

Рушди ҳамкории Тоҷикистон бо Русия дар афзалияти сиёсати хориҷии Тоҷикистон боқӣ мемонад ва имрӯз ҳамкорӣ дар соҳаҳои тиҷорат, иқтисод, гуманитарӣ ва дигар самтҳо дар сатҳи баланд ба роҳ монда шудааст. Татбиқи лоиҳаҳои зиёди муштарак ва афзуншавии гардиши бор байни ҳар ду давлат мисолӣ ин аст.

Таваҷҷуҳи бештар ба ҳамкории иқтисодию сармоягузорӣ ва афзалият ба таҳкими робитаҳо дар самти коркарди нафт, энергетика, саноати сабук, хӯрокворӣ, маъдан, кишоварзӣ, низоми бонкӣ ва сайёҳӣ беҳтарин василаи таҳкими ҳамкорӣ дониста шуд.

Раиси Ҳукумати Федератсияи Русия Михаил Мишустин бо изҳори хушнудӣ аз баргузории чорабиниҳои сатҳи баланди 2 ва 3 март байни Тоҷикистону Русия доиршуда таҳкими робитаҳоро дар оянда ба манфиати ҷонибҳо арзёбӣ намуд.

Ба Сарвазири Тоҷикистон Қоҳир Расулзода барои нақш гузоштан дар татбиқи сиёсати сарони давлатҳо, таҳкими дӯстӣ ва равнақи ҳамкории байнидавлатӣ мукофоти давлатии Федератсияи Русия супорида шуд.

АКС: АМИТ «Ховар»

Март 3, 2023 11:10

Хабарҳои дигари ин бахш

АРЗҲОИ ДӮСТӢ. 29 май аз барқарории муносибатҳои дипломатӣ байни Тоҷикистон ва Озарбойҷон 32 сол сипарӣ мегардад
Cафири Тоҷикистон бо ректори Донишгоҳи технологияҳои муҳандисии Туркманистон ба номи Оғузхон мулоқот намуд
Сироҷиддин Муҳриддин ва Мурат Нуртлеу масъалаҳои мубрами муносибатҳои Тоҷикистон ва Казоқистонро муҳокима намуданд
Сироҷиддин Муҳриддин ва Сергей Лавров омодагӣ ба музокироти дуюми байниидоравии Тоҷикистон ва Русияро баррасӣ намуданд
Дар Женева ҷаласаи ҳамоҳангсозони Барномаи махсуси Созмони Милали Муттаҳид барои иқтисодиёти Осиёи Марказӣ баргузор гардид
Ҳайати Тоҷикистон дар Конфронси байналмилалии амнияти ҳаставӣ дар Вена иштирок дорад
Вазири корҳои хориҷии Тоҷикистон дар ҷаласаи Шурои вазирони корҳои хориҷии Созмони ҳамкории Шанхай иштирок намуд
Шараф Шерализода бо Котиби иҷроияи Комиссияи иқтисодии Созмони Милали Муттаҳид мулоқот намуд
Тоҷикистон ва Покистон татбиқи мувофиқатҳои қаблан дар сатҳи олӣ бадастомадаро баррасӣ намуданд
Ҳунармандони Тоҷикистон дар Фестивали баҳори Осиёи Марказӣ дар Ҷумҳурии Корея иштирок намуданд
Сарвазири Тоҷикистон Қоҳир Расулзода бо Президенти Ҷумҳурии Индонезия Ҷоко Видодо мулоқот намуд
Сарвазири Тоҷикистон Қоҳир Расулзода дар Индонезия дар Форуми 10-уми ҷаҳонии об суханронӣ намуд