«НАҚШИ ПЕШВОИ МИЛЛАТ ДАР ЭҲЁ, РУШД ВА ҶАҲОНИШАВИИ НАВРӮЗ». Дар Донишгоҳи давлатии Данғара ҳамоиш доир гардид
ДУШАНБЕ, 17.03.2023. /АМИТ «Ховар»/. «Нақши Пешвои миллат дар эҳё, рушд ва ҷаҳонишавии Наврӯз» — таҳти чунин унвон 16 март бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Донишгоҳи давлатии Данғара бо иштироки масъулини Кумита ҳамоиши ҷавонон баргузор гардид, хабар доданд ба АМИТ «Ховар» дар Раёсати кор бо ҷавонони дастгоҳи Кумита.
Зимни ҳамоиш иштирокдорон иброз доштанд, ки Ҷумҳурии Тоҷикистон яке аз давлатҳои ташаббускори ҷаҳонишавии Ҷашни байналмилалии Наврӯз маҳсуб мешавад.
Таъкид карда шуд, ки маҳз бо ташаббуси Асосгузори сулҳу ваҳдати миллӣ – Пешвои миллат, Президенти Чумҳурии Тоҷикистон, муҳтарам Эмомалӣ Раҳмон ин ташаббус амалӣ гардида, ҷиҳати бештар аз пештар бо шаҳомати хосса таҷлил гардидани он шароити мусоид фароҳам овард.
Гуфта шуд, ки Наврӯз – яке аз қадимтарин идҳои тоҷикон ба шумор рафта, рӯзи аввали баҳор – саршавии киштукор, бедоршавии табиат ва олами наботот мебошад.
«Мояи ифтихор аст, ки Наврӯз бо қарори Маҷмаи умумии Созмони Милали Муттаҳид ба иди ҷаҳонӣ табдил ёфтааст. Наврӯз дар Тоҷикистон ба таври расмӣ ҳар сол 21 март ҷашн гирифта мешавад»,-иброз гардид зимни ҳамоиш.
Ҳамзамон дар ҳамоиш вобаста ба иҷрои қонунҳои миллӣ, пешгирии ҷавонон аз тероризму экстремизм, таълимоти динии ғайрирасмӣ, нашъамандию ҷинояткорӣ, тарғиби тарзи ҳаёти солим, омӯзиши забонҳои хориҷӣ, аз худ намудани илмҳои дақиқ, саҳмгузорӣ дар рушду ободонии мамлакат, ҳимояи арзишҳои миллӣ, хизмати садоқатмандона ба Ватан, эҳтироми волидайн ва калонсолон ибрози назар карда шуд.
Дар фарҷоми ҳамоиш аз ҷониби масъулини Кумита ба омӯзгорону донишҷӯён Сипоснома супорида шуд. Силсилабарномаҳои оммавию варзишӣ, фарҳангиву фароғатӣ, ҳарбию ватандӯстӣ ва маърифативу иттилоотӣ тибқи Нақшаи тасдиқгардидаи Кумитаи кор бо ҷавонон ва варзиш бахшида ба Ҷашни байнналмилалии Наврӯз дар дигар шаҳру ноҳияҳо идома доранд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Сарвазири мамлакат Қоҳир Расулзода дар ноҳияи Рашт бо рафти корҳои бартарафсозии оқибатҳои заминларза шинос шуд
Дар Душанбе бахшида ба Рӯзи пойтахт барномаи фарҳангӣ-сиёсии аъзои ҳизб доир гардид
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
Дар ноҳияи Ҷалолиддини Балхӣ шумораи ақди никоҳ зиёд ва бекоршавии он коҳиш ёфтааст
ИМРӮЗ-РӮЗИ КОРМАНДОНИ МАҚОМОТИ АДЛИЯ. Дар замони соҳибистиқлолии Тоҷикистон адлия ба мақомоти давлатии калидӣ дар таҳкими ислоҳоти ҳуқуқӣ табдил ёфт
Академик Баҳром Сироҷев бо медали соҳавии «Аълочии соҳаи энергетика» сарфароз гардид
