Дар фабрикаи ресандагии ноҳияи Мастчоҳ 500 нафар соҳиби ҷойи кор мегардад

Май 30, 2023 08:49

ДУШАНБЕ, 30.05.2023. /АМИТ «Ховар»/. Дар фабрикаи ресандагии ноҳияи Мастчоҳ ба таври таҷрибавӣ истеҳсолот ба роҳ монда шуда, беш аз 200 нафар занону духтарон нозукиҳои корро омӯхта истодаанд. Бо пурра омода шудани корхона то 500 нафар соҳиби ҷойи кори доимӣ ва маоши хуб мегарданд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.

29 май Раиси вилояти Суғд Раҷаббой Аҳмадзода зимни сафари корӣ ба ноҳияи Мастчоҳ бо рафти корҳои омодагӣ ва васлу насби таҷҳизот дар фабрикаи ресандагии ҶСП «Арвис Зелал текстайлз» шинос гардид.

Иттилоъ дода шуд, ки фабрикаи ресандагӣ бо саҳмгузории соҳибкорони тоҷику турк охири соли гузашта дубора ба фаъолият шуруъ намуда, дар он таҷҳизоту технологияҳои муосир насбу васл гардидааст. Таъкид гардид, ки истифодаи иқтидори пурраи корхона барои бо ҷойи корӣ таъмин шудани аҳолӣ мусоидат намуда, ба корхона низ фоидаи хуб меорад ва дар ин зимн ба рушди пахткорӣ дар ноҳияи мазкур такони ҷиддӣ мебахшад.

Раиси вилоят ба муассисони фабрикаи калони ресандагӣ барои пурра омода намудани корхона, истифодаи иқтидорҳои истеҳсолӣ, дар оянда ба роҳ мондани истеҳсоли маҳсулоти тайёр тавсияҳо дод.

Дар идомаи сафар роҳбари вилоят ҳамзамон бо сохтмони фабрикаи парандапарварӣ ва фермаи чорвопарварии ҶДММ «Некбахт», сардхона барои нигаҳдории маҳсулот бо ғунҷоиши 400 тонна, меҳмонхонаи замонавии «Раҳим», коргоҳи коркард ва банду басти чормағзи заминии ҶДММ «Ҷаъфар-2104», бинои нави Маркази ташхисӣ ва табобатии «Сино» ва коргоҳи пойафзолбарорӣ шинос шуда, барои тақвияти корҳои ободониву созандагӣ ва дар муҳлати пешбинишуда ба итмом расонидани онҳо супориш дод.

АКС: Хадамоти матбуоти Раиси вилояти Суғд

Май 30, 2023 08:49

Хабарҳои дигари ин бахш

Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Ҳайати Тоҷикистон бо муовини директори иҷроияи Хазинаи байналмилалии асъор вохӯрӣ намуд
«ДУШАНБЕ ИНВЕСТ-2025». Байни Вазорати энергетика ва захираҳои оби Тоҷикистон ва ширкатҳои ватанию хориҷӣ се протокол ва ду ёддошти тафоҳум ба имзо расид
Ҳамкории Тоҷикистон ва Гурӯҳи Бонки исломии рушд дар пешбурди лоиҳаҳои стратегӣ дар Амрико баррасӣ гардид
Дар Тоҷикистон беш аз 184 ҳазор хоҷагии деҳқонӣ фаъолият менамоянд
«ДУШАНБЕ ИНВЕСТ-2025». Дар маҷмуъ 52 санад ба маблағи беш аз 4 миллиард доллар ба имзо расид