«CAFA Nations Cup-2023». Дастаи мунтахаби Тоҷикистон тамринҳои навбатиро дар шаҳри Тошканд доир кард
ДУШАНБЕ, 07.06.2023 /АМИТ «Ховар»/. Дастаи мунтахаби Тоҷикистон оид ба футбол дар шаҳри Тошканди Ҷумҳурии Узбекистон ҷамъомади тамринӣ мегузаронад. Даста таҳти роҳбарии мутахассиси хорватӣ Петр Сегрт ба Ҷоми миллатҳои Ассотсиатсияи футболи Осиёи Марказӣ, ки аз 11 то 20 июни соли равон баргузор мешавад, омодагӣ мегирад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Давоми як ҳафта мешавад, ки дастаи мунтахаби Тоҷикистон дар шаҳри Тошканд ба мусобиқаи «CAFA Nations Cup-2023» омодагӣ мегирад. Ба ҳайати дастаи мунтахаби Тоҷикистон дар шаҳри Тошканд ду бозингари дигар – дарвозабони дастаи футболи «Хуҷанд»-и шаҳри Хуҷанд Шоҳрух Қиргизбоев ва ҳимоятгари дастаи «Локомотив»-и шаҳри Тошканд Манучеҳр Сафаров шомил шуданд.
Ҳимоятгарон Ваҳдат Ханонов аз дастаи «Персеполис»-и Эрон ва Меҳрубон Каримов аз дастаи «Самгурали»-и Гурҷистон, инчунин нимҳимоятгарон Хусрав Тоиров аз дастаи «Шахтёр»-и Украина, Амирбек Ҷӯрабоев аз дастаи «Кедах»-и Малайзия ва Парвизҷон Умарбоев аз дастаи ЦСКА-1948-и Булғористон рӯзҳои наздик ба ҳайати дастаи мунтахаби Тоҷикистон ҳамроҳ мешаванд.
Ёдовар мешавем, ки дар рӯзи 4-уми ҷамъомади таълимиву тамринии шаҳри Тошканд ҳимоятгари дастаи футболи «Нефтчӣ»-и Фарғона Зоир Ҷӯрабоев ба ҳайати дастаи мунтахаби Тоҷикистон пайваст.
Сармураббии дастаи мунтахаби Тоҷикистон Петр Сегрт дар ихтиёри худ айни замон 19 бозингар дорад. Бозингарони боқимонда пас аз анҷоми бозиҳои бошгоҳҳои худ ба маҳалли ҷойгиршавии дастаи мунтахаби Тоҷикистон меоянд.
Хотиррасон мешавем, ки дар мусобиқаи «CAFA Nations Cup-2023» дастаи мунтахаби Тоҷикистон дар гурӯҳи «А» бо дастаҳои мунтахаби Туркманистон (11 июн), Уммон (14 июн) ва Узбекистон (17 июн) бозӣ мекунад.
АКС: Федератсияи футболи Тоҷикистон
Сарвари давлат: «Футбол дар Тоҷикистон рамзи ваҳдат ва ифтихори миллӣ мебошад»
Президенти Тоҷикистон: «Барномаҳои давлатии рушди футбол барои оммавӣ гардонидани ин намуди варзиш ва инфрасохтор заминаи мусоид мебошанд»
ИДИ ҲАҚИҚИИ ФУТБОЛ! Рӯзи ҷаҳонии футбол дар Душанбе бо шукӯҳу шаҳомат таҷлил шуд
Рушди варзиш ва инфрасохтори муосир муҳимтарин самт дар сиёсати Ҳукумати Тоҷикистон мебошад
Эмомалӣ Раҳмон: «Рӯзи ҷаҳонии футбол боз як нишонаи нақши фаъол ва обрӯи афзояндаи Тоҷикистон дар арсаи ҷаҳонӣ мебошад»
ИМРӮЗ — РӮЗИ ҶАҲОНИИ ФУТБОЛ. Ташаббуси Президенти Федератсияи футболи Тоҷикистон Рустами Эмомалӣ миллиардҳо нафарро дар саросари дунё муттаҳид менамояд
Дар шаҳри Душанбе Фестивали футбол ва шоми ҷавонӣ баргузор гардид
РӮЗИ ҶАҲОНИИ ФУТБОЛ. Пагоҳ дар Душанбе Фестивали футбол барои кӯдакон баргузор мегардад
РУШДИ ФУТБОЛИ МИЛЛӢ. Барои расидан ба ин ҳадаф тадбирҳои муҳим андешида мешаванд
Мусобиқаи ҷумҳуриявии футболи хурд барои дарёфти «Ҷоми Ҳизби Халқии Демократии Тоҷикистон» баргузор шуд
Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
РӮЗИ ҶАҲОНИИ ФУТБОЛ. Бозии нахустини Лигаи футболи Вилояти Мухтори Кӯҳистони Бадахшон доир шуд
