«CAFA Nations Cup-2023». Мунтахаби миллии Тоҷикистон барои бозӣ бо дастаи Туркманистон омодагӣ мебинад

Июнь 10, 2023 16:20

ДУШАНБЕ, 10.06.2023 /АМИТ «Ховар»/. То бозии аввали мунтахаби миллии Тоҷикистон оид ба футбол  дар гурӯҳи «А»-и Ҷоми миллатҳои Ассотсиатсияи футболи Осиёи Марказӣ, ки аз 11 то 20 июн дар шаҳри Тошканд баргузор мешавад, ҳамагӣ як рӯзи дигар боқӣ мондааст. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Дастаи мо таҳти роҳбарии мутахассиси хорватӣ Петр Сегрт 9 июн дар майдони Академияи «Бунёдкор» тамрини навбатии худро гузаронд. Нимҳимоятгар Хусрав Тоиров, ки бо дастаи «Шахтёр» қаҳрамони Украина шуд, ба ҳайати мунтахаби миллӣ  ба Тошканд омада, дар машқҳои бегоҳии даста иштирок намуд.

Дастаи мунтахаби Тоҷикистон имрӯз, 10 июн баъди омадани нимҳимоятгари тими ССКА-1948-и София Парвизҷон Умарбоев ба маҳалли ҷойгиршавии даста комил мешавад.

Бояд гуфт, ки дар мусобиқаи «CAFA Nations Cup-2023» тими миллии Тоҷикистон дар гурӯҳи «А» бо дастаҳои мунтахаби Туркманистон (11 июн), Уммон (14 июн) ва Узбекистон (17 июн) бозӣ мекунад.

«CAFA Nations Cup-2023»

Гурӯҳи «А». Даври 1

11 июн (якшанбе)

Оғоз – соати 18:30

ТОҶИКИСТОН – Туркманистон

Тошканд, варзишгоҳи «Пахтакор»

АКС: Федератсияи футболи Тоҷикистон

Июнь 10, 2023 16:20

Хабарҳои дигари ин бахш

Дар Турсунзода курсҳои ФИФА барои доварони Тоҷикистон оғоз шуданд
Дастаи мунтахаби наврасони Тоҷикистон (U-17) омодагиҳоро ба Ҷоми ҷаҳон-2025 оғоз кард
Дар Федератсияи футболи Тоҷикистон ҷаласаи Кумитаи маркетинг баргузор шуд
Тоҷикистонро дар мусобиқаи «Ulaanbaatar Grand Slam-2025» оид ба гӯштини ҷудо 12 варзишгар муаррифӣ мекунад
Дар шаҳри Хуҷанд Мусобиқаи байналмилалӣ оид ба бокс байни калонсолон оғоз гардид
Сомон Турсунзода барандаи медали нуқраи Чемпионати Аврупо оид ба ҷудо байни наврасон гардид
Чемпионати Ассотсиатсияи волейболи Осиёи Марказӣ ҷамъбаст гардид
Дар Душанбе ҷаласаи Кумитаи футзали Федератсияи футболи Тоҷикистон баргузор гардид
Мусобиқаҳои варзишӣ оид ба футболи хурд ва шоҳмоту шашка байни кормандони вазорату идораҳо ҷамъбаст шуд
ФУТБОЛ. Мунтахаби Тоҷикистон «CAFA Nations Cup 2025»-ро бо бозӣ муқобили Малайзия оғоз менамояд
Дастаи Академияи футболи ФФТ дар Мусобиқаи «Ҷоми Қошғар» сазовори ҷои дуюм гардид
Дар Душанбе Чемпионати Ассотсиатсияи волейболи Осиёи Марказӣ (CAVA) оғоз гардид