Дар Муъминобод бахшида ба Рӯзи байналмилалии ҳифзи кӯдакон ҳамоиш баргузор шуд
МУЪМИНОБОД, 01.06.2023. /АМИТ «Ховар»/. Имрӯз дар Қасри фарҳанги ноҳияи Муъминобод бахшида ба Рӯзи байналмилалии ҳифзи кӯдакон ҳамоиш доир гардид, ки дар он кӯдакону наврасон маҳсули ҳунару эҷоди худро ба маърази тамошо гузоштанд. Дар ин хусус мухбири минтақавии АМИТ «Ховар» Сулаймон Холзода хабар медиҳад.
Дар ноҳияи Муъминобод чун дар дигар шаҳру ноҳияҳои мамлакат тамоми шароит барои таълиму тарбияи кӯдакон фароҳам оварда шудааст.
Тавре сокини ин ноҳия Момагул Маҳмадова иброз дошт, «дар ноҳияи мо барои кӯдакон мактаб-интернат, боғча ва хонаи тавонбахшӣ фаъолият менамоянд. Дар ин муассисаҳо барои кӯдакон шароити хуб фароҳам оварда шуда, зери назорати ҳамешагии роҳбарияти ноҳия қарор доранд».
Дар ҳамоиши тантанавӣ иброз гардид, ки «масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва ба зиндагии оянда тайёр намудани онҳо ба дӯши волидон ва омӯзгорон, инчунин аҳли ҷомеа мебошад. Мо бояд онҳоро дӯст дорем ва меҳру муҳаббати худро дар вуҷуди поки кӯдакон ҷой диҳем».
Дар ҳамоиш аз ҷониби Мақомоти иҷроияи ҳокимияти давлатии ноҳияи Муъминобод ба 30 кӯдак туҳфа тақдим карда шуд. Шуъбаи маорифи ноҳия бахшида ба Рӯзи байналмилали ҳифзи кӯдакон озмунҳои гуногун, аз қабили расми беҳтарин, шеъри беҳтарин, суруди беҳтарин, иншои беҳтарин ва хонандаи сол эълон намуда, дар ин чорабинӣ ба ғолибон ифтихорнома ва туҳфаҳо супорид.
Ташкилоти ҷамъиятии занони «Зам-зам», ки яке аз ташкилкунандагони ҳамоиш мебошад, ба кӯдакони дорои имконияти маҳдуд туҳфаҳо тақдим кард.
АКС: Мақомоти иҷроияи ҳокимияти давлатии ноҳияи Муъминобод
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
