ЭКСТРИМИЗМ ВА ОҚИБАТҲОИ ОН. Дар ин мавзӯъ дар Кумитаи иҷроияи марказии Ҳизби Халқии Демократии Тоҷикистон машғулият доир шуд

Июнь 23, 2023 14:19

ДУШАНБЕ, 23.06.2023. /АМИТ «Ховар»/. Дар Кумитаи иҷроияи марказии Ҳизби Халқии Демократии Тоҷикистон дар мавзуи «Экстримизм ва оқибатҳои он» машғулияти омўзишӣ доир гардид. Дар ин хусус АМИТ «Ховар» бо истинод ба маркази матбуот ва таҳлили дастгоҳи Кумита марказии ин Ҳизб хабар медиҳад.

Таъкид гардид, ки тарбияи насли ҷавон дар руҳияи ватандустӣ ва ҳифзи арзишҳои миллӣ яке аз ҳадафҳои меҳварии Ҳизби Халқии Демократии Тоҷикистон маҳсуб мешавад.

Тазаккур дода шуд, ки аз ҷониби Ҳизби Халқии Демократии Тоҷикистон баҳри баланд бардоштани донишу маърифати сиёсӣ, ҳуқуқӣ ва маънавии ҷавонон пайваста нақшаву барномаҳои гуногун роҳандозӣ мегардад. Масъалаи болозикр ҳамагонро ҳушдор медиҳад, ки ба тарбияи насли ҷавон ҳар чӣ бештару беҳтар қувваи идеологияи созанда ва ғояи ватандўстона равона гардад.

Дар идомаи машғулият мафҳуму моҳияти экстримизму гурӯҳҳои ифротӣ барои шунавандагон аз ҷиҳати назариявӣ тавзеҳ дода шуда, иброз гардид, ки омилҳои ба ин равияҳо дода шудани ҷавонон дониши пасти дунявӣ, динӣ ва ҳуқуқии онҳо ба шумор мераванд.

Гуфта шуд, ки ин гурӯҳҳо тарҳи кишварҳои абарқудрат буда, барои амалӣ намудани мақсадҳои нопоки худ, зери ниқоби ислом амалҳои муғризонаву дасискоронаи худро ба роҳ мемонанд.

Таъкид гардид, ки Ҷумҳурии Тоҷикистон дар масъалаи мубориза бо ин амалҳои номатлуб ҳанӯз аз даврони нахустини соҳибистиқлолӣ таваҷҷуҳ зоҳир намуда, таҳти сиёсати хирадмандонаи Президенти мамлакат муҳтарам Эмомалӣ Раҳмон дар ин самт тадбирҳои мушаххас андешида мешаванд. Дар ин самт Ҷумҳурии Тоҷикистон санадҳои меъёрии ҳуқуқии миллиро бо санадҳои ҳуқуқии байналмилалии эътирофнамуда мутобиқ гардонидааст.

Ҳамзамон иброз гардид, ки барои пешгирӣ намудани оқибатҳои ин хатарҳо, ҳифзи амнияти миллӣ, истиқлоли давлатӣ, тарбияи ҷавонон дар руҳияи ваҳдату ҳамбастагӣ ва эҳтироми арзишҳои миллӣ омили асосӣ ба шумор меравад.

Дар ин радиф, фарҳанги муносибат бо иттилоъ ва истифодаи шабакаҳои иҷтимоӣ, манбаъҳои муътамади ахбор ва тафаккури интиқод, саҳеҳият ва дурустии факту рақам ба ҳама гуна маълумот баҳри пешгирии оқибатҳои он чораҷуӣ менамояд.

Тазаккур дода шуд, ки имрӯз ҷавононро зарур аст, ки ҳамчун насли ояндасоз, нерӯи пешбаранда, қувваи созанда ва такягоҳи боэътимод мавқеи худро дар ҷомеа муайян намуда, бо ташаббусҳои тоза, ибтикороти ҷадид ва ғояҳои созанда ҷиҳати решакан намудани зуҳуроти номатлуб, аз ҷумла терроризму экстремизм саҳмгузор бошанд.

АКС: Кумитаи иҷроияи марказии Ҳизби Халқии Демократии Тоҷикистон

Июнь 23, 2023 14:19

Хабарҳои дигари ин бахш

Намояндагии Муассисаи федералии воҳиди давлатии «Хадамоти шиносномадиҳӣ ва раводид»-и Русия дар Тоҷикистон ифтитоҳ гардид
Дар ҷаласаи 28-уми Шурои роҳбарони мақомоти муҳоҷирати давлатҳои иштирокчии Иттиҳоди Давлатҳои Мустақил вазъи муҳоҷират баррасӣ шуд
Беҳтарин тараннумгарони Ватан муайян гардиданд
Душанбе мизбони ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил мегардад
НАДОНИСТАНИ ҚОНУН ҶАВОБГАРИРО ИСТИСНО НАМЕКУНАД! Ахбороти Суди Олии Ҷумҳурии Тоҷикистон оид ба ҳизбу ҳаракатҳо ва ташкилотҳои террористӣ-экстремистие, ки фаъолияташон дар Тоҷикистон манъ карда шудааст
ИМРӮЗ-РӮЗИ АДВОКАТҲО. Асоси ислоҳоти ниҳоди адвокатураи Тоҷикистонро Паёми Президенти Тоҷикистон ба Маҷлиси Олӣ ташкил медиҳад
«МАКТАБИ СИЁСИИ ПЕШВОИ МИЛЛАТ». Дар Кӯлоб Конференсияи IV байналмилалии илмӣ-назариявӣ баргузор гардид
Кумакҳои Пешвои миллат ба зарардидагони офати табиӣ дар ноҳияҳои Нуробод ва Рашт расиданд
Дар Душанбе бо иштироки беш аз 10 ҳазор ҷавони гуногункасб Рӯзи ҷавонони Тоҷикистон бошукуҳ таҷлил шуд
Дар Озарбойҷон оид ба масъалаҳои оила, занон ва кӯдакон дар самти баробарии гендерӣ Ёддошти тафоҳум оид ба ҳамкорӣ ба имзо расид
23 МАЙ — РӮЗИ ҶАВОНОНИ ТОҶИКИСТОН. Дар Бадахшон ҷаласаи Шурои кор бо ҷавонон доир шуд
Бахшида ба Рӯзи ҷавонони Тоҷикистон ҳамоиши занону духтарони шаҳри Душанбе баргузор гардид