ГРАН-ПРИИ ДУШАНБЕ-2023. Дар рӯзи охири мусобиқа ҷудочиёни Тоҷикистон ду медал ба даст оварданд

Июнь 4, 2023 19:27

ДУШАНБЕ, 04.06.2023 /АМИТ «Ховар»/. Имрӯз, 4 июн, дар рӯзи ниҳоии мусобиқаи Гран-прии Душанбе-2023 оид ба ҷудо ғолибон ва ҷоизадорон дар панҷ вазн муайян гардиданд. Дар рӯзи охир ҷудочиёни Тоҷикистон Комроншоҳ Устопириён (дар вазни -90) медали тилло ва Темур Раҳимов (дар вазни +100) медали  нуқра ба даст оварданд, иттилоъ медиҳад хабарнигори АМИТ «Ховар».

Ғолибону ҷоизадорони Гран-прии Душанбе-2023 дар баробари медалҳо бо ҷоизаҳои пулӣ сарфароз гардиданд. Ғолибони ҷойи аввал соҳиби 3000 евро, ҷойи дуюм 2000 евро ва ҷойи сеюм 1000 евро шуданд.

Бояд гуфт, ки Гран-прии Душанбе-2023 мусобиқаи интихобӣ ба Бозиҳои олимпии Париж-2024 низ буда, ба рейтинги варзишгарон хол илова карда мешавад. Барои ҷойи 1 — 700 хол, ҷойи 2 — 490, ҷойи 3 — 350, ҷойи 5 — 252 хол ва ғайра дода мешавад.

Ғолибону ҷоизадорони рӯзи сеюми мусобиқа:

Занон

-78 кг

1. Олек Анна Монта (Олмон)
2. Анна-Мария Вагнер (Олмон)
3. Ҷордҷа Стангерлин (Италия)
3. Александро Бабинтсева (дастаи варзишгарони фардии бетараф)

+78 кг 

1. Нунес Рошел (Португалия)
2. Самира Буизгарн (Олмон)
3. Адиясурен Амарсайхан (Муғулистон)
3. Даря Владимирова (дастаи варзишгарони фардии бетараф)

Мардон

-90 кг

1. Комроншоҳ Устопириён (ТОҶИКИСТОН)
2. Элдор Аллахвердиев (дастаи варзишгарони фардии бетараф)
3. Дэвид Кламмерт (Чехия)
3. Элжан Ҳоҷиев (Озарбайҷон)

-100 кг 

1. Матвей Каниковский (дастаи варзишгарони фардии бетараф)
2. Ниёз Билалов (дастаи варзишгарони фардии бетараф)
3. Златко Кумрич (Хорватия)
3. Батхуяг Гончигсурен (Муғулистон)

+100

1. Тамерлан Башаев (дастаи варзишгарони фардии бетараф)
2. Темур Раҳимов (ТОҶИКИСТОН)
3. Ерасил Кажибоев (Қазоқистон)
3. Магомедомар Магомедомаров (АМА)

Аз рӯи натиҷаи мусобиқаи Гран-прии Душанбе — 2023 мунтахаби ҷудои Тоҷикистон мақоми аввалро касб намуд. Варзишгарони мо 3 медали тилло, 3 медали нуқра ва 1 медали биринҷиро ба даст оварданд.

Акрамхоҷа АКБАР,
АМИТ «Ховар»

АКС: АМИТ «Ховар»

Июнь 4, 2023 19:27

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид