Дар шаҳри Душанбе беҳтарин муассисаи таълимӣ дар самти корҳои ободонӣ муайян мешавад
ДУШАНБЕ, 31.08.2023. /АМИТ «Ховар»/. Бахшида ба ҷашни Истиқлолияти давлатӣ дар шаҳри Душанбе озмуни «Беҳтарин муассисаи таълимӣ дар самти корҳои ободонӣ» дар соли 2023 идома дорад. Комиссияи шаҳрӣ барои муайян намудани ғолиби озмун бо ҳолати муассисаҳои таҳсилоти миёнаи умумии №28-и ноҳияи Фирдавсӣ ва 56-и ноҳияи Сино ва муассисаҳои таҳсилоти томактабии №63, 72-ноҳияи Фирдавсӣ, №1-и ноҳияи Шоҳмансур ва 112-и ноҳияи Сино шинос шуд. Дар ин хусус ба АМИТ «Ховар» сардори Раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар дод.
Озмуни мазкур тӯли 5 сол аст, ки дар асоси қарори Раиси шаҳри Душанбе баргузор гардида, ҳадаф аз он ҳавасмандгардонии кормандони соҳаи маорифи пойтахт дар самти тарғибу ташвиқ намудани корҳои созандагӣ, ободонӣ, сабзкорӣ ва бо гулу буттаҳо ороиш додани муҳити муассисаҳои таҳсилоти миёнаи умумӣ мебошад.
Дар айни замон ин озмун дар шаҳр идома дорад. Ҳайати комиссия, ки дар асоси қарори дахлдори Раиси шаҳри Душанбе тасдиқ гардидааст, пурра ба фаъолияти муассисаҳо дар самти корҳои ободонӣ баҳо мегузорад.
Бояд гуфт, ки озмун дар асоси принсипҳои баробарии ҳуқуқу имконият, ташаббус ва эҷодкории озодона, нигоҳ доштани урфу андешаҳои миллӣ, тарғиби таъриху тамаддуни тоҷикон гузаронида мешавад.
Дар асоси Низомномаи озмуни «Беҳтарин муассисаи таълимӣ дар самти ободонӣ» дар соли 2023 нишондиҳандаҳо барои муайян намудани беҳтарин муассисаи таълимӣ дар самти корҳои ободонӣ, вазъи кунунии муассисаи таълимӣ, ҳолати биноҳо, иншоот, сабзазоркунии атроф ва роҳраву ҳавлӣ, ҷалби сармояи соҳибкорони ватанӣ барои ободкории муассисаи таълимӣ, муҳити зист ва экология бо дарназардошти намуди кӯчаву роҳравҳо, ободонӣ, рангубор, сафед кардани бино ва дигар иншооти муассисаи таълимӣ, насби таҷҳизоти равшанидиҳандаи ороишӣ, инчунин сабзазоркунӣ, ниҳолшинонӣ, гулу буттаҳои мавсимӣ ва фазои сабзиши онҳо ва сифати корҳои иҷрошуда дар мавзеъҳои вобасташудаи гулкорӣ ба назар гирифта мешавад.
АКС: Сарраёсати маорифи шаҳри Душанбе
ПАЙВАНДИ ИЛМ БО ИСТЕҲСОЛОТ. Донишгоҳи давлатии тиҷорати Тоҷикистон аз қисмати назариявии корҳои илмӣ ба қисмати амалӣ мегузарад
Мактаби зимистона оид ба коҳиши хатари офатҳои табиӣ ва мутобиқшавӣ ба тағйирёбии иқлим ифтитоҳ шуд
НИШАСТИ МАТБУОТӢ. Дар Донишгоҳи техникии Тоҷикистон қариб 700 шаҳрванди хориҷӣ таҳсил менамояд
НИШАСТИ МАТБУОТӢ. Дар 53 ихтисоси Донишгоҳи аграрии Тоҷикистон барномаҳои таълимии нави намунавӣ таҳия шудаанд
НИШАСТИ МАТБУОТӢ. Донишгоҳи давлатии тиҷорати Тоҷикистон бо 11 муассисаи таҳсилоти олии касбии хориҷи мамлакат шартномаи ҳамкорӣ дорад
НИШАСТИ МАТБУОТӢ. Дар Донишгоҳи техникии Тоҷикистон кадрҳои соҳибтахассус ва дар бозори меҳнат рақобатпазир омода карда мешаванд
Дар Маркази таълимии касбомӯзии Донишгоҳи давлатии омӯзгорӣ 100 нафар ба таълим фаро гирифта шуд
НИШАСТИ МАТБУОТӢ. Донишгоҳи давлатии омӯзгории Тоҷикистон мутахассисони баландихтисосу забондон омода менамояд
Дар назди Донишгоҳи миллии Тоҷикистон Маркази омӯзиши паёмҳои Президенти Тоҷикистон таъсис мешавад
НИШАСТИ МАТБУОТӢ. 31 донишҷӯи Академияи идоракунии давлатӣ ба муассисаҳои таҳсилоти олии хориҷи мамлакат фиристода шуданд
СОЛҲОИ РУШДИ САНОАТ. Соли 2025 дар ҳар шаҳру ноҳияи Бадахшон коргоҳу корхонаҳои истеҳсолӣ бунёд мешаванд
35-СОЛАГИИ ИСТИҚЛОЛИ ДАВЛАТӢ. Дар Мастчоҳ Қасри фарҳанг бунёд карда мешавад
