Ба сокинони шаҳри Ҳисор, ки аз офати табиӣ зарар дидаанд, кумак расонида шуд
ДУШАНБЕ, 06.09.2023 /АМИТ «Ховар»/. Дар асоси супориши Ҳукумати Ҷумҳурии Тоҷикистон аз ҷониби Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба сокинони ҷамоатҳои деҳоти Сомон, Дурбат, Алмосӣ, Хонақоҳи Кӯҳӣ ва Мирзо Ризои шаҳри Ҳисор, ки бар асари бориши пуршиддати шаби 27 август хисороти зиёди молӣ дидаанд, кумаки моддӣ расонида шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Бо иштироки муовини Раиси шаҳри Ҳисор ва намояндагони Кумитаи ҳолатҳои фавқулода ва мудофиаи гражданӣ дар навбати аввал ба 63 оилае, ки дар ҳудуди деҳаҳои Шӯроби Искандар, Шӯроби Афғони деҳоти Сомон, Гулрез, Арбобии деҳоти Хонақоҳи Кӯҳӣ, Хоҷачилдиёри деҳоти Мирзо Ризо, Кӯрпаӣ, Ҷиргинак, Лойоби деҳоти Алмосӣ ва Зартеппаи деҳоти Дурбат зарари бештар дидаанд, маводи хӯрокворӣ, аз қабили орду равған, нахӯд, инчунин ашёи рӯзгор, кӯрпаву болишт, матрас ва лавозимоти санитариву гигиенӣ тақсим гардид.
Ёдовар мешавем, ки дар назди Мақомоти иҷроияи ҳокимияти давлатии шаҳри Ҳисор бо мақсади андешидани тадбирҳои саривақтӣ ҷиҳати бартараф намудани оқибатҳои офати табиӣ ситод ташкил шудааст. Ситоди мазкур зарару хисороти ба хоҷагии халқ расидаро ҳисоб ва дар доираи имконият барои барқарор намудани иншооти аз сел зарардида мусоидат менамояд.
АКС: Мақомоти иҷроияи ҳокимияти давлатии шаҳри Ҳисор
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
