Дар деҳаи Кули Ҷамоати деҳоти Аскалони ноҳияи Рашт бинои нави таълимӣ барои 300 хонанда ба истифода дода шуд
РАШТ, 28.09.2023 /АМИТ «Ховар»/. Дар деҳаи Кули Ҷамоати деҳоти Аскалони ноҳияи Рашт бинои нави муассисаи таҳсилоти миёнаи умумии №38, ки аз ҳисоби соҳибкори ватанӣ Ширинхуҷа Асланов сохта шудааст, мавриди баҳрабардорӣ қарор гирифт. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рашт иттилоъ доданд.
Бинои нави муассиса дар раванди корҳои созандагӣ ба истиқболи ҷашни 35-солагии Истиқлолияти давлатии Ҷумҳурии Тоҷикистон барои 300 нафар хонанда дар ду баст бунёд гардид, ки дорои синфхонаҳои фаннӣ ва компютерӣ мебошад. Синфхонаҳои муассисаи таълимӣ бо мизу курсӣ ва таҷҳизоти замонавӣ муҷаҳаз гардида, хонандагон аз он самаранок истифода менамоянд.
Тибқи иттилои масъулини Мақомоти иҷроияи ҳокимияти давлатии ноҳияи Рашт, бахшида ба 35-солагии Истиқлолияти давлатӣ соли 2023 биноҳои иловагӣ ва асосии муассисаи таҳсилоти умумии асосии №70 деҳаи Варзигони Ҷамоати деҳоти Б.Раҳимзода, муассисаи таҳсилоти ибтидоии №82 деҳаи Чорбоғи Ҷамоати деҳоти Н.Махсум, муассисаи таҳсилоти ибтидоии №104 деҳаи Сари шухони Ҷамоати деҳоти Аскалон, муассисаи таҳсилоти миёнаи умумии №49 деҳаи Хуфаки Ҷамоати деҳоти Қалъанак, муассисаи таҳсилоти миёнаи умумии №55 деҳаи Зарифии Ҷамоати деҳоти Тагоба ва муассисаи таҳсилоти умумии асосии №86 деҳаи Қалъаи Мақсуди Ҷамоати деҳоти Қалъанак бо 572 ҷойи нишаст дар як баст сохта, ба истифода дода шуданд.
Ҳамчунин дар соли нави таҳсили 2023-2024 биноҳои иловагӣ ва асосии муассисаҳои таълимии №22 дар деҳаи Ҳоити Ҷамоати деҳоти Ҳоит барои 250 хонанда, №77 деҳаи Болошаҳри Ҷамоати деҳоти Оби меҳнат барои 120 хонанда, №18 деҳаи Яшми Ҷамоати деҳоти Б.Раҳимзода барои 192 хонанда, №46 деҳаи Ғаввосиёни Ҷамоати деҳоти Б.Раҳимзода барои 192 хонанда, №39 деҳаи Воринги Ҷамоати деҳоти Ясман барои 192 хонанда, №7 деҳаи Шулмаки Ҷамоати деҳоти Б.Раҳимзода барои 240 хонанда ва №38 деҳаи Кули Ҷамоати деҳоти Аскалон барои 144 хонанда ба истифода дода шуданд.
АКС: Мақомоти иҷроияи ҳокимияти давлатии ноҳияи Рашт
Дар Донишгоҳи технологии Тоҷикистон барои рушди саноати хӯрокворӣ лоиҳаи OFINU муаррифӣ гардид
Рухшона Аловиддинзода барандаи Намоишгоҳи байналмилалии «Korea Institute of Patent Information» гардид
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Байни Маркази барномаҳои байналмилалӣ ва Муассисаи таълимии байналмилалии «Оксфорд» Созишномаи ҳамкорӣ ба имзо расид
Масъалаи ҳамкорӣ дар соҳаи маорифи Тоҷикистон ва Зимбабве баррасӣ гардид
Маркази эҷодии кӯдакон ва наврасони ноҳияи Фирдавсӣ сазовори Ҷоми «Сарраёсати маорифи шаҳри Душанбе» гардид
Дар 21 шаҳру ноҳияҳои Тоҷикистон барои кормандони муваққатии марказҳои имтиҳонӣ машварати омӯзишӣ баргузор мегардад
Даври дуюми бақайдгирӣ барои иштирок дар имтиҳонҳои марказонидаи дохилшавӣ аз моҳи июн оғоз мешавад
Ҷавонони боистеъдоди тоҷик дар беҳтарин муассисаҳои таҳсилоти олии давлатҳои пешрафтаи ҷаҳон таҳсил доранд
Дар Вазорати маориф ва илм рафти иҷрои барномаҳои давлатии соҳаи маориф дар шаҳру ноҳияҳои тобеи ҷумҳурӣ баррасӣ гардид
Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ ифтитоҳ гардид
Президенти Тоҷикистон: «Барои таълиму тарбияи наврасону ҷавонон 11 лоиҳаи сармоягузории давлатӣ татбиқ мегардад»
