ФУТБОЛ. Ҳайати дастаи мунтахаби Тоҷикистон барои бозии дӯстона бо дастаи мунтахаби миллии Сингапур муайян шуд
ДУШАНБЕ, 03.09.2023 /АМИТ «Ховар»/. Ситоди мураббиёни дастаи мунтахаби миллии Тоҷикистон ҳайати мунтахабро барои бозии дӯстона бо дастаи яккачини футболи Сингапур, ки 8 сентябр баргузор мешавад, эълон намуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Ба ҳайати дастаи мунтахаби Тоҷикистон 19 бозигар – 2 дарвозабон, 6 ҳимоятгар, 7 нимҳимоятгар ва 4 ҳамлагар шомил мебошанд. Дар робита ба иштироки дастаи мунтахаби олимпии Тоҷикистон (U-23) дар мусобиқаи интихобии Ҷоми Осиё-2024, ки аз 6 то 12 сентябр дар шаҳри Душанбе баргузор мешавад, якчанд нафар бозигарон ба тими миллӣ даъват нашуданд.
Илова бар ин ба далели омодагии чемпиони Тоҷикистон дастаи «Истиқлол» ба бозии даври аввали марҳилаи гурӯҳии Лигаи чемпионҳои КФО-2023/24 бо дастаи «Ал-Дуҳайл»-и Қатар чанд бозигари ин бошгоҳ дар бозии дӯстонаи дарпешистодаи дастаи мунтахаби Тоҷикистон иштирок намекунанд.
Бозии дӯстона байни дастаҳои мунтахаби миллии Сингапур ва Тоҷикистон 8 сентябр дар Сингапур баргузор шуда, соати 19:30 ба вақти маҳаллӣ (соати 16:30 ба вақти Душанбе) оғоз мегардад.
АКС: Федератсияи футболи Тоҷикистон
Дар ноҳияи Данғара фестивали бозиҳои миллӣ бо шукуҳи хосса баргузор шуд
Лигаи футболи Тоҷикистон дар остонаи мавсими нав барои комиссарон семинари омӯзишӣ баргузор кард
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
Дастаи миллии занонаи Тоҷикистон оид ба футбол дар Душанбе ба машқҳои дастҷамъона фаро гирифта шуд
Дастаи мунтахаби наврасони Тоҷикистон (U-17) дар Ҷопон дар мусобиқаи байналмилалӣ иштирок кард
Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид
Дастаҳои футболи Тоҷикистон бо дастурҳои навшудаи доварон барои мавсими 2026 шинос шуданд
Дар Душанбе оид ба ҳуқуқҳои байналмилалии футбол ва идоракунии бошгоҳҳо машғулият баргузор гардид
Дастаи «Ҳулбук»-и Восеъ ғолиби Ҷоми Федератсияи футболи Тоҷикистон-2026 шуд
ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ФУТБОЛ. Дастаи мунтахаби наврасони Тоҷикистон дар мусобиқаи «Ҷоми рушд-2026» иштирок мекунад
