НАМОИШ-ФУРӮШИ МАҲСУЛОТИ КИШОВАРЗӢ. Пагоҳ деҳқонони шаҳри Хоруғ ва ноҳияҳои Роштқалъаю Ховалинг дастранҷи хешро пешкаши сокинони Душанбе менамоянд

Сентябрь 2, 2023 17:49

ДУШАНБЕ, 02.09.2023 /АМИТ «Ховар»/. Пагоҳ дар шаҳри Душанбе намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву фароғатии шаҳру ноҳияҳои Тоҷикистон доир мегардад. Намоиши шаҳри Хоруғ ва ноҳияи Роштқалъа дар Боғи Ирам ва ноҳияи Ховалинг дар Боғи фарҳангию фароғатии «Хайём» доир мегардад, хабар медиҳад АМИТ «Ховар» бо истинод ба Вазорати кишоварзӣ.

Вақти баргузории намоиш-фурӯши маҳсулоти кишоварзӣ ва таомҳои миллӣ аз соати 08:00 то 11:00 ва намоиши ҳунарҳои мардумӣ, барномаи фарҳангиву адабӣ аз соати 17:00 то 20:00 муқаррар шудааст.

Дар намоиш-фурӯши маҳсулоти кишоварзӣ аз ҷониби деҳқонони шаҳру ноҳияҳо ба сокинону меҳмонони пойтахт маҳсулоти кишоварзӣ бо нархи дастрас пешниҳод мешавад.

Ёдовар мешавем, ки то имрӯз шаҳру ноҳияҳои Рӯдакӣ, Ҳисор, Ваҳдат, Шаҳритус, Конибодом, Қубодиён, Турсунзода, Ҷайҳун, Ҷаббор Расулов, Спитамен, Шаҳринав, Панҷ, Ашт, Нуробод, Кӯшониён, Мастчоҳ, Файзобод, Восеъ, Хуҷанд, Тоҷикобод, Ҷалолиддини Балхӣ, Бӯстон, Сангвор, Мир Сайид Алии Ҳамадонӣ, Гулистон, Варзоб, Кӯлоб, Истаравшан, Роғун, Вахш, Истиқлол, Шуғнон, Ёвон, Зафаробод, Рӯшон, Дӯстӣ, Деваштич, Ванҷ, Левакант, Норак, Шаҳристон, Кӯҳистони Мастчоҳ, Дарвоз, Бохтар, Айнӣ, Лахш, Абдураҳмони Ҷомӣ, Фархор, Шамсиддини Шоҳин, Муъминобод, Носири Хусрав, Балҷувон, Ишкошим, Мурғоб ва Темурмалик  намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву фароғатии худро дар боғҳои пойтахти мамлакат баргузор намуданд.

Бояд гуфт, ки намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву фароғатии шаҳру ноҳияҳои Тоҷикистон дар боғҳои фарҳангӣ-фароғатии пойтахти мамлакат — шаҳри Душанбе 1 июл оғоз гардида, имрӯз,  3 сентябр ба анҷом мерасанд.

АКС: АМИТ «Ховар»

Сентябрь 2, 2023 17:49

Хабарҳои дигари ин бахш

Дар ноҳияи Хуросон барои пешгирӣ аз ҳолатҳои фавқулодаи эҳтимолӣ омӯзишу тамринҳо гузаронида шуданд
Имрӯз дар Тоҷикистон ҳавои тағйирёбанда дар назар аст
«Дурдонаи шимол -2023»: Сокинони Суғд чиро бурд менамоянд
Имрӯз дар Тоҷикистон ҳаво тағйирёбандаи бебориш мешавад
Хадамоти оташнишонӣ дар муассисаҳои тандурустию таълимии шаҳри Хоруғ санҷиши вазъи бехатарӣ аз сӯхтор гузаронид
Имрӯз дар Тоҷикистон ҳавои тағйирёбандаи бебориш дар назар аст
Дар Душанбе иқдоми экологии «Тозагии соҳил» баргузор гардид
Аз саҳифаҳои матбуоти даврӣ
Имрӯз дар Душанбе ҳавои тағйирёбандаи бебориш дар назар
Дар Донишгоҳи байналмилалии забонҳои хориҷии Тоҷикистон ба рамзи муқаддас — Парчами давлатӣ арҷ гузоштанд
Бахшида ба Рӯзи Парчами давлатӣ дар Қасри фарҳанги ноҳияи Восеъ ҳамоиши тантанавӣ доир шуд
ПАРЧАМИ ТОҶИКИСТОН – РАМЗИ ЯГОНАГИИ МИЛЛАТ. Дар Хадамоти гумрук ҷаласаи тантанавӣ баргузор шуд