Дар силсиланеругоҳҳои «Варзоб» филиали кафедраи неругоҳҳои электрикии Донишгоҳи техникии Тоҷикистон таъсис ёфт
ДУШАНБЕ, 04.10.2023 /АМИТ «Ховар»/. Байни силсиланеругоҳҳои «Варзоб»-и Ҷамъияти саҳомии кушодаи «Барқи Тоҷик» ва Донишгоҳи техникии Тоҷикистон ба номи академик Муҳаммад Осимӣ шартномаи ҳамкорӣ имзо шуд, хабар доданд ба АМИТ «Ховар» дар ин донишгоҳ.
Шартномаи ҳамкорӣ 3 октябр зимни шиносоии ҳайати омӯзгорону донишҷӯёни Донишгоҳи техникии Тоҷикистон бо фаъолияти силсиланеругоҳҳои «Варзоб» – и ҶСК «Барқи Тоҷик» ба имзо расид.
Шартномаи мазкурро ректори донишгоҳ Қудрат Давлатзода ва директори филиали силсиланеругоҳҳои «Варзоб» Ҳабибулло Абдулҳақзода ба тасвиб расониданд, ки он фарогири маҷмуи муносибатҳои илмию таълимӣ ва истеҳсолӣ буда, дар тақвияти минбаъдаи ҳамкорӣ ва омодакунии кадрҳои баландихтисоси ватанӣ дар соҳаи муҳандисӣ заминаи мусоид фароҳам меорад.
Дар доираи шартномаи ҳамкорӣ филиали кафедраи неругоҳҳои электрикии Донишгоҳи техникии Тоҷикистон дар филиали силсиланеругоҳҳои «Варзоб» – и ҶСК «Барқи Тоҷик» расман мавриди истифода қарор дода шуд. Филиали кафедра бо мақсади иҷрои қарори ҳайати мушовараи Вазорати маориф ва илми Ҷумҳурии Тоҷикистон оид ба таҳсилоти дуалӣ таъсис дода шуда, дар ин замина кормандону муҳандисони филиали силсиланеругоҳҳои «Варзоб» бо истифода аз иқтидори кадрии донишгоҳ ба даврҳои такмили ихтисос ва бозомӯзӣ фаро гирифта мешаванд. Инчунин қисме аз машғулияти амалии ихтисосҳои энергетикӣ дар ҳудуди филиали силсиланеругоҳҳои «Варзоб» баргузор мегардад.
Ҳоло филиалҳои кафедраҳои Донишгоҳи техникии Тоҷикистон дар ҶСК НБО-и «Роғун», Хадамоти давлатии назорат дар соҳаи энергетика ва ҶСК «Азот» фаъолият менамоянд.
АКС: Донишгоҳи техникии Тоҷикистон ба номи академик Муҳаммад Осимӣ
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
Донишҷӯёни тоҷик дар Русия дар ҷаласаи шурои маҳфили «Ҷавононе, ки дар хориҷи мамлакат таҳсил доранд» иштирок намуданд
Хонандагони муассисаҳои таълимии Хатлон дар олимпиадаҳои фаннӣ ва байналмилалӣ 987 медал ба даст оварданд
Байни институтҳои илмӣ-таҳқиқотии Тоҷикистон ва Чин шартномаи ҳамкорӣ ба имзо расид
Дар Донишгоҳи технологии Тоҷикистон оид ба нақши иқтисоди даврӣ дар таъмини самараноки захираҳои табиӣ ҳамоиш доир шуд
Дар Донишгоҳи техникии Тоҷикистон доир ба энергетика ва дурнамои рушд конференсияи байналмилалӣ баргузор шуд
Дар Вазорати маориф ва илм масъалаи фарогирии кӯдакон ба муассисаҳои таҳсилоти томактаби баррасӣ гардид
ТАЪТИЛИ ЗИМИСТОНА. Хонандагони муассисаҳои таҳсилоти миёнаи умумии Тоҷикистон чанд рӯз ба таътил мебароянд?
