ДУШАНБЕ, 13.11.2023. /АМИТ «Ховар»/. Давоми 9 моҳи соли 2023 шумораи шаҳрвандони хориҷие, ки ба Тоҷикистон ворид шудаанд, бо назардошти ҳама намуди мақсадҳои сафар (хизматӣ, истироҳатӣ ва ғайра) 1 миллиону 27 ҳазору 600 нафарро ташкил намуд, ки нисбат ба ҳамин давраи соли гузашта 156 ҳазору 900 нафар ё 18,0 фоиз афзудааст, хабар медиҳад АМИТ «Ховар» бо истинод ба Агентии омори назди Президенти Ҷумҳурии Тоҷикистон.

Тибқи методологияи Созмони ҷаҳонии сайёҳӣ, аз шумораи умумии шаҳрвандони хориҷие, ки ба Тоҷикистон омадаанд, 802 ҳазору 300 нафарашон ба ҳайси сайёҳ арзёбӣ мегарданд, ки ин нисбат ба ҳамин давраи соли гузашта ба 17,1 фоиз зиёд мебошад.

Дар ин давра аз ҳама зиёд ба Тоҷикистон аз ҷумҳурии Узбекистон 664 ҳазору 800 нафар, Қазоқистон 24 ҳазоу 900 нафар ва аз Федератсияи Русия 248 ҳазору 100 нафар шаҳрвандон ворид гардидаанд.

АКС: Агентии омори назди Президенти Ҷумҳурии Тоҷикистон