Дастаи футболи хурди «TAJNSK» дар мусобиқаи Ҷоми вилояти Новосибирск ба финал баромад

Декабрь 19, 2023 17:01

ДУШАНБЕ, 19.12.2023. /АМИТ «Ховар»/. Дастаи футболи хурди «TAJNSK»-и Клуби футболи тоҷикони шаҳри Новосибирски Федератсияи Русия дар Ҷоми вилояти Новосибирск бо ҳисоби 4:1 ба дастаи «Сибир»-и вилояти Новосибирск ғолиб омада, ба даври финалии Ҷоми вилояти Новосибирск роҳ ёфт, иттилоъ медиҳад АМИТ «Ховар» бо истинод ба Шурои ҷамъиятии назди Сафорати Ҷумҳурии Тоҷикистон дар Федератсияи Русия.

Дар маросими ниҳоии мусобиқа 22 декабри соли 2023, соати 22:00 ба вақти вилояти Новосибирск дар майдони футболи хурди «Манеж Заря» дастаи «TAJNSK»-и тоҷикон ба дастаи ПРФ вилояти Новосибирск вориди майдон мешавад.

Дастаи «TAJNSK»-и тоҷикони вилояти Новосибирск дар мусобиқаҳои вилоятӣ, шаҳрӣ ва федералӣ аз рӯи намуди футболи хурд (дастаҳои 5/5, 6/6, 7/7 ва 8/8) иштирок намуда, солҳои 2021 ва 2022 дар Лигаи якуми футболи хурд дастовардҳои шоистаро соҳиб шудааст.

Дар ин мусобиқа дастаи «TAJNSK» аз рӯи тақвим бо дастаҳои вилояти Новосибирск 31 бозӣ намуда, бозигарони ҳайати даста ба дарвозаҳои ҳарифон 75 гол ворид намудаанд. Клуби футболи тоҷикони шаҳри Новосибирск «TAJNSK» аз ҷониби соҳибкори ватандӯсти миллати тоҷик дар ин минтақа Ёқубҷон Назиров таъсис ва маблағгузорӣ шуда, ҳайати даста бо либосҳои ягона, таҷҳизоти тамринӣ ва мошин барои ҳайати даста таъмин шудаанд. Ба ҳайати даста тоҷикони муқимӣ, донишҷӯёни тоҷики ин минтақа шомил буда, ҳайати даста дар майдони иҷоравӣ, ки аз ҷониби соҳибкор маблағгузорӣ мешавад, пайваста тамрин менамояд.

АКС: Шурои ҷамъиятии назди Сафорати Ҷумҳурии Тоҷикистон

Декабрь 19, 2023 17:01

Хабарҳои дигари ин бахш

ИҚДОМЕ, КИ МОЯИ ИФТИХОРИ ҲАР ТОҶИКИСТОНӢ АСТ. Дар Донишгоҳи технологии Тоҷикистон ба ғолибони мусобиқаи футболи хурд ҷоизаҳо супорида шуданд
Рустами Эмомалӣ – ташаббускори сатҳи ҷаҳонӣ дар соҳаи варзиш
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Суғд спартакиадаи вилоятӣ ҷамъбаст шуд
Бахшида ба Рӯзи ҷаҳонии футбол дар Ховалинг мусобиқаҳои гӯштин ва аспдавонӣ доир шуданд
Дар Ховалинг бахшида ба Рӯзи ҷаҳонии футбол мусобиқаҳои варзишӣ доир шуданд
Маҷаллаи машҳури Покистон «The World Ambassador» таҷлили Рӯзи ҷаҳонии футболро инъикос намуд
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо Португалия, Марокаш ва Панама бозӣ мекунад
РӮЗИ ҶАҲОНИИ ФУТБОЛ. Дастаи футболбозони иттифоқи касабаи Донишгоҳи давлатии Бохтар соҳиби Ҷом, медал ва Ифтихорнома шуд
БАХШИДА БА РӮЗИ ҶАҲОНИИ ФУТБОЛ. Дар Донишгоҳи байналмилалии забонҳои хориҷии Тоҷикистон мусобиқа оид ба футболи хурд доир шуд
Дар вилояти Суғд бахшида ба Рӯзи ҷаҳонии футбол бозии рафиқона баргузор гардид
РӮЗИ ҶАҲОНИИ ФУТБОЛ. Нашри махсуси рӯзномаи «Паёми Душанбе» ба ташаббуси глобалии Президенти Федератсияи футболи Тоҷикистон Рустами Эмомалӣ бахшида шуд
Президенти Федератсияи футболи Тоҷикистон Рустами Эмомалӣ дар нахустин фестивали Рӯзи ҷаҳонии футбол дар Душанбе иштирок намуданд