Ҳайати Тоҷикистон дар иҷлосияи 87-уми Кумитаи Созмони миллали Муттаҳид оид ба рафъи табъиз нисбат ба занон иштирок намуд
ДУШАНБЕ, 01.02.2024. /АМИТ «Ховар»/. Дар ҷараёни иҷлосияи 87-уми Кумитаи Созмони Милали Муттаҳид оид ба рафъи табъиз нисбат ба занон дар шаҳри Женева ҳайати Ҷумҳурии Тоҷикистон Гузориши миллии даврии ҳафтуми Ҷумҳурии Тоҷикистонро вобаста ба иҷрои муқаррароти Конвенсия дар бораи барҳам додани тамоми шаклҳои табъиз нисбат ба занон пешниҳод намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Конфедератсияи Швейтсария хабар медиҳад.
Ҳайати ҷумҳурӣ таҳти роҳбарии Вазири адлияи Ҷумҳурии Тоҷикистон Музаффар Ашуриён аз намояндагони Дастгоҳи иҷроияи Президенти Ҷумҳурии Тоҷикистон, вазоратҳои меҳнат, муҳоҷират ва шуғли аҳолӣ, корҳои дохилӣ, тандурустӣ ва ҳифзи иҷтимоии аҳолӣ иборат буда, Ваколатдор оид ба ҳуқуқи инсон дар Ҷумҳурии Тоҷикистон низ дар иҷлосия иштирок намуд.
Аз ҷониби ҳайати Ҷумҳурии Тоҷикистон оид ба дастовардҳои мамлакат дар самти баланд бардоштани нақши занон дар соҳаҳои иҷтимоию иқтисодии ҷумҳурӣ, алалхусус рафъи табъиз нисбат ба занон, баробарии гендерӣ, таъмини дастрасӣ ба таҳсил, меҳнат, ҳифзи иҷтимоӣ, тандурустии занон, ки аз ҷониби Ҳукумати Ҷумҳурии Тоҷикистон таъмин мегарданд, маълумоти муфассал пешниҳод гардид.
АКС: Сафорати Ҷумҳурии Тоҷикистон дар Конфедератсияи Швейтсария
Ҳайати Тоҷикистон дар вохӯрии ҷаҳонии вазирони Семаул ва ҳамоиши роҳбарони Семаул иштирок дорад
Дар Вена нахустин консерти Оркестри давлатии симфонии Тоҷикистон баргузор шуд
Сафири Тоҷикистон бо Котиби Шурои олии фазои маҷозии Эрон мулоқот намуд
Дар Душанбе машваратҳои сиёсии Тоҷикистон ва Беларус баргузор шуданд
Сироҷиддин Муҳриддин бо муовини вазири корҳои хориҷии Беларус Павел Утюпин мулоқот намуд
Дар Москва машваратҳои байниидоравии вазоратҳои корҳои хориҷии Тоҷикистону Русия доир гардиданд
Дар Ашқобод 34-солагии Истиқлоли давлатии Ҷумҳурии Тоҷикистонро ҷашн гирифтанд
Сарвазири Ҷумҳурии Тоҷикистон бо ҳайати вакилони Парлумони Аврупо мулоқот намуд
Дар Вена даври дувоздаҳуми машваратҳои сиёсӣ байни Тоҷикистон ва Австрия доир гардид
Сироҷиддин Муҳриддин дар нишасти вазирони корҳои хориҷии кишварҳои аъзои Созмони ҳамкории исломӣ ва арабӣ иштирок намуд
Дар Сеул 34-солагии Истиқлоли давлатии Ҷумҳурии Тоҷикистон таҷлил гардид
Дар шаҳри Риёз 34-солагии Истиқлоли давлатии Ҷумҳурии Тоҷикистон таҷлил карда шуд
