Ҷавонони Донишгоҳи давлатии Хуҷанд пешниҳоди Рӯзи ҷаҳонии футболро ҷонибдорӣ менамоянд
ДУШАНБЕ, 24.02.2024 /АМИТ «Ховар»/. Бо ибтикори Донишгоҳи давлатии Хуҷанд ба номи академик Бобоҷон Ғафуров ба хотири ҷонибдорӣ намудани пешниҳоди Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ ҷиҳати расман эълон намудани Рӯзи ҷаҳонии футбол дар маҷмааи варзишии Хуррамшаҳри донишгоҳ мусобиқаи футбол баргузор шуд. Дар ин хусус ба АМИТ «Ховар» дар Донишгоҳи давлатии Хуҷанд хабар доданд.
Дар мусобиқаи варзишӣ ректори Донишгоҳи давлатии Хуҷанд, сардори Раёсати кор бо ҷавонон ва варзиши вилояти Суғд иброз намуданд, ки мояи ифтихору сарфарозӣ аст, ки дар ҷумҳурии соҳибистиқлоламон соҳаи тарбияи ҷисмонӣ ва варзиш дар маркази таваҷҷуҳи Президенти Ҷумҳурии Тоҷикистон муҳтарам Эмомалӣ Раҳмон қарор дорад.
Пешниҳоди муҳтарам Рустами Эмомалӣ ба Созмони Милали Муттаҳид ҷиҳати расман эълон намудани Рӯзи ҷаҳонии футбол амали саривақтӣ буда, барои эҳтиром ба солимии ҷомеаи ҷаҳонӣ ва рушди футбол басе муҳим аст.
Гуфта шуд, ки дар замони соҳибистиқлолии мамлакат як силсила санадҳои меъёрии ҳуқуқӣ таҳия ва қабул гардиданд, ки ба ташвиқу тарғиби тарзи ҳаёти солим, оммавигардонии варзиш, бунёди иншооти варзишӣ, баргузор намудани мусобиқаҳои ҷумҳуриявию байналмилалӣ ва омодакунии варзишгарони касбӣ мусоидат намуданд. Воқеан варзиш дар ҳамаи давру замон муаррифи ҳар давлат буда, хусусан дар замони муосир яке аз воситаҳои асосии шинохти миллат маҳсуб мешавад.
Мусобиқаи варзишии футбол байни устодон ва донишҷӯёни факултетҳои Донишгоҳи давлатии Хуҷанд то 2 март идома ёфта, ғолибони мусобиқа бо Ҷом, диплом ва туҳфаҳо қадршиносӣ мешаванд.
АКС: Донишгоҳи давлатии Хуҷанд ба номи академик Бобоҷон Ғафуров
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Рушди соҳаи таҳсилоти ибтидоӣ ва миёнаи касбӣ бо намояндагони Агентии Корея оид ба ҳамкории байналмилалӣ баррасӣ шуд
Дар Донишгоҳи байналмилалии забонҳои хориҷии Тоҷикистон бахшида ба 1045-солагии Абуалӣ ибни Сино ҳамоиши байналмилалӣ доир шуд
«САДОҚАТ БА ПЕШВОИ МИЛЛАТ». Ба ифтихори Рӯзи Президенти Тоҷикистон дар Данғара иқдом баргузор шуд
Доир ба нақши Иҷлосияи XVI Шурои Олӣ дар инкишофи давлатдории навини тоҷикон конференсия баргузор шуд
Дар Душанбе масъалаи таҳсилоти босифат баррасӣ гардид
