Дар муассисаи фарҳангии Созмони ҳамкории иқтисодии Теҳрон «Шаби мусиқии суннатии Тоҷикистон» баргузор шуд
ДУШАНБЕ, 23.02.2024 /АМИТ «Ховар»/. 22 феврал бо ҳамкории Сафорати Тоҷикистон дар Теҳрон ва Муассисаи фарҳангии Созмони ҳамкории иқтисодӣ (ЭКО) дар қароргоҳи ин муассиса маросими «Шаби мусиқии суннатии Тоҷикистон» баргузор шуд. Дар ин хусус АМИТ «Ховар» бо истинод ба Вазорати фарҳанги Ҷумҳурии Тоҷикистон хабар медиҳад.
Дар маросим Сафири Тоҷикистон дар Эрон Низомиддин Зоҳидӣ меҳмононро хайрамақдам гуфта, роҷеъ ба ҷойгоҳи «Шашмақом» ва «Фалак»- мусиқии суннатии тоҷикӣ сухан гуфт.
Сафири Тоҷикистон ёдовар шуд, ки пас аз соҳибистиқлолӣ Ҳукумат ва давлати Тоҷикистон ба рушди ин навъи мусиқӣ таваҷҷуҳи амиқ зоҳир намуда, онро дар дохил ва хориҷ густариш доданд.
Ҳамасола дар Тоҷикистон рӯзи шашмақом ва фалак таҷлил мегардад ва овозхонҳои тоҷик дар озмунҳои байналмилалӣ иштирок намуда, ҷоизаҳои зиёд ба даст овардаанд.
Сафири Тоҷикистон дар идома ба тарвиҷу таъмиқи пайвандҳои фарҳангии ду давлат- Тоҷикистон ва Эрон ишора намуда, баргузории «Шаби мусиқии суннатии Тоҷикистон»-ро намунае хуби он тавсиф намуд.
Муовини Вазири фарҳанги Ҷумҳурии Тоҷикистон Давлат Сафарзода ва роҳбари ҳайати фарҳангиёни Тоҷикистон дар Эрон зимни муҳим хондани ҳамкории фарҳангии ду давлат таъкид намуд, ки ин ҳамкорӣ рӯз ба рӯз амиқтару бештар мешавад.
Сипас, навозандаю овозхонҳои машҳури тоҷик барои ҳозирон намунаҳое аз шашмақом ва фалак пешкаш намуданд, ки онро аҳли нишаст самимона истиқбол намуд.
Дар идомаи ин маҳфил видео аз ҳамкории Устоди равоншод Давлатманди Хол бо Шаҳроми Нозирӣ-хонандаи саршиноси эронӣ пахш гардид.
Дар нишаст аз сӯи ҳунармандони пешгоми эронӣ ба поси хотири устод Давлатманд Холов «Лавҳи тақдир» эҳдо гардид.
Ҳамчунин китоби «Тарозуи чашм»- маҷмуаи ашъори Давлат Сафарзода, ки чанде пеш аз тариқи интишороти «Орван»-и Теҳрон бо форсӣ нашр гардид, рӯнамоӣ шуд.
Меҳмонон дар ин маросим бо намоишгоҳи ҳунарҳои дастӣ, либосҳои миллӣ ва осори наққошони тоҷик шинос шуданд.
Дар ин барнома сафирони муқими Теҳрон, ҳунармандон ва шахсиятҳои фарҳангӣ, сафирони собиқи Эрон дар Тоҷикистон низ ҳузур доштанд.
АКС: Вазорати фарҳанги Ҷумҳурии Тоҷикистон
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
