«НИГОҲИ ПУРАСРОРЕ БА ГЕТӢ». Дар шаҳри Душанбе асарҳои рассом Анваршо Сайфудинов ба намоиш гузошта шуд
ДУШАНБЕ, 13.02.2024. /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон намоиши асарҳои эҷодии Арбоби ҳунари Тоҷикистон Анваршо Сайфудинов таҳти унвони «Нигоҳи пурасроре ба гетӣ» баргузор гардид. Дар ин хусус ба АМИТ «Ховар» дар Донишкадаи давлатии санъати тасвирӣ ва дизайни Тоҷикистон хабар доданд.
Дар намоиши мазкур Вазири фарҳанги Ҷумҳурии Тоҷикистон Матлубахон Сатториён, намояндагони сафоратхонаҳои ҷумҳуриҳои Корея, Қазоқистон, Ҳиндустон ва Покистон, аъзои оилаи Анваршо Сайфудинов, адибону кормандон ва донишҷӯёни Донишкадаи давлатии санъати тасвирӣ ва дизайни Тоҷикистон иштирок намуданд.
Гуфта шуд, ки Анваршо Сайфудинов аз рӯи техникаҳои гуногуни мусаввирӣ, наққошӣ, кундал, мозайка ва дигар навъи техникаҳо кору эҷод менамояд. Номбурда иштирокчии намоишҳои зиёди ҷумҳуриявӣ ва байналмилалӣ буда, силсилаи намоишҳои шахсии рассом хеле зиёданд. Эҷодиёти рассом дар осорхонаҳо, коллексияҳои шахсии Тоҷикистон, Русия ва Аврупо мавҷуд мебошанд.
Анваршо Сайфудинов байни дигар рассомон мақому ҷойгоҳи хоси худро дошта, устоди садҳо шогирд ба шумор меравад. Барои пайдо намудани сабки хоса рассом солҳои 1990-2000-ум ба офаридаи силсилаи композитсияҳои беашё оғоз намуд, ки он яке аз сабкҳои навоваронаи эътирофшуда дар санъати тасвирии муосири тоҷик мебошад.
Иштирокчиён иброз доштанд, ки эҷодиёти рассом эҳсосот ва тахайюлоти бою рангин бо ҳисси хело нишонрасу таъсирбахш бинандаро ба ваҷд меорад.
Анваршо Сайфудинов то имрӯз дар Донишкадаи давлатии санъати тасвирӣ ва дизайни Тоҷикистон барои мукаммал гардонидани низоми таълимии соҳаи санъати тасвирӣ ва дизайн, инчунин лоиҳаҳои рушди соҳа хизматҳои арзанда менамояд.
АКС: Донишкадаи давлатии санъати тасвирӣ ва дизайни Тоҷикистон
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон маротибаи аввал озмуни ҷумҳуриявӣ баргузор мегардад
«ТОҶИКИСТОН-ВАТАНИ АЗИЗИ МАН». Барои баргузории озмуни ҷумҳуриявӣ беш аз ҳашт миллион сомонӣ ҷудо мегардад
