НИШАСТИ МАТБУОТӢ. Соли 2023 ҳаҷми истеҳсоли маҳсулоти саноатӣ дар Тоҷикистон ба 46,8 миллиард сомонӣ расид
ДУШАНБЕ, 08.02.2024 /АМИТ «Ховар»/. Вазорати саноат ва технологияҳои нави Ҷумҳурии Тоҷикистон иттилоъ медиҳад, ки соли 2023 ҳаҷми истеҳоли маҳсулоти саноатӣ дар Тоҷикистон ба 46,8 миллиард сомонӣ расид, ки бо нархҳои муқоисавӣ нисбат ба соли 2022 12 фоиз ё 4,6 миллиард сомонӣ зиёд аст.
Вазири саноат ва технологиҳои нави ҷумҳурӣ Шералӣ Кабир имрӯз дар нишасти матбуотӣ зимни натиҷагирӣ аз фаъолияти Вазорати саноат ва технологияҳои нави ҷумҳурӣ иброз намуд, ки вазорат фаъолияташро соли гузашта дар доираи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон барои татбиқи яке аз чор ҳадафи стратегии Ҳукумати Ҷумҳурии Тоҷикистон –саноатикунонии мамлакат амалӣ намуд.
Вазир афзуд, ки ҳиссаи соҳаҳо дар маҷмуи маҳсулоти саноатӣ соли 2023 беш аз 28 фоиз ба саноати маъдан, 24 фоиз ба саноати хӯрокворӣ, зиёда аз 17 фоиз ба электроэнергетика, 8,6 фоиз ба саноати сохтмон, 7,9 фоиз ба саноати мошинсозӣ, 5,5 фоиз ба саноати сабук, қариб 5 фоиз ба саноати пахтатозакунӣ, 1,1 фоиз ба саноати ангишт, 0,7 фоиз ба саноати табъу нашр, 0,4 фоиз ба таъминоти об ва 0,3 фоиз ба саноати нафту газ рост меояд.
Гуфта шуд, ки таносуби минтақаҳо дар таркиби маҳсулоти саноатии ҷумҳурӣ соли гузашта беш аз 55 фоиз ба вилояти Суғд, қариб 25 фоиз ба вилояти Хатлон, 9,1 фоиз ба навоҳии тобеи марказ, 9 фоиз ба шаҳри Душанбе ва 0,4 фоиз ба Вилояти Мухтори Кӯхистони Бадахшон марбут аст.
Шералӣ Кабир ҳамчунин гуфт, ки аз ҳаҷми умумии маҳсулоти саноатӣ беш аз 60 фоиз ба саноати коркард, зиёда аз 20 фоиз ба саноати истихроҷ, 18,8 фоиз ба таъминоти неруи барқ, газ, буғ ва тозакунии ҳаво рост меояд.
Марзия САИДЗОДА,
АМИТ «Ховар»
АКС: АМИТ «Ховар»
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
