Модарони ноҳияи Варзоб фарзандонашонро бо дуои нек ба хизмати Ватан-Модар гусел намуданд
ВАРЗОБ, 04.04.2024 /АМИТ «Ховар»/. Дар Боғи фарҳангӣ-фароғатии «Парчами миллӣ»-и ноҳияи Варзоб бахшида ба Рӯзи даъватшаванда ҳамоиши тантанавӣ доир гардид. Дар ин рӯз зиёда аз 51 даъватшаванда бо дуои неки модарон барои ҳифзи Ватан – Модар ба сафи Артиши миллӣ ҷалб шуданд. Дар ин хусус мухбири минтақавии АМИТ «Ховар» Субҳониддини Маҳмуд бо истинод ба Мақомоти иҷроияи ҳокимияти давлатии ноҳияи Варзоб хабар медиҳад.
Дар ҳамоиш гуфта шуд, ки ҳимояи марзу буми Ватан вазифаи муқаддас ва пурифтихори на танҳо хизматчиёни ҳарбӣ, балки ҳар шахси солимфикр ва бонангу номуси давлатамон мебошад.
Гуфта шуд, ки Мақомоти иҷроияи ҳокимияти давлатии ноҳияи Варзоб дар доираи сиёсати иҷтимоии Ҳукумати Ҷумҳурии Тоҷикистон ва сиёсати инсонпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаҳои ҷамоатҳои шаҳраку деҳоти ноҳия бо ҷавонони синни даъватӣ корҳои таблиғотиву ташвиқотӣ гузаронида, дар мавзуъҳои ватандӯстӣ, худшиносии миллӣ, таҳаммулпазирӣ, аз худ намудани ахлоқи ҳамидаи инсонӣ, ҷаҳонбинии демокративу дунявӣ, таҳкими ваҳдат ва суботи ҷомеа ва ҷалби онҳо ба хизмати ҳарбӣ мунтазам корҳои фаҳмондадиҳӣ мегузаронанд, ки дар натиҷа сафи даъватшавандагони ихтиёрӣ зиёд гардидааст.
Дар ҷараёни ҳамоиши идона собиқадорони Артиши миллӣ, волидайн ва даъватшавандагон сухан гуфта, ба роҳбарияти олии ҷумҳурӣ барои бо шароити хуби хизматбарӣ дар сафи Қувваҳои Мусаллаҳи мамлакат изҳори сипосу миннатдорӣ намуда, ҷавонписарон ба волидайн ваъда доданд, ки қарзи шаҳрвандиро адо намуда, баъди хизмати ҳарбӣ дар хоҷагии халқ баҳри шукуфоии Ватани азиз меҳнати софдилонаро идома медиҳанд.
Дар ҷамъомад аз ҷониби Мақомоти иҷроияи ҳокимияти давлатии ноҳияи Варзоб ба даъватшудагоне, ки даврҳои кӯтоҳмуддати ронандагиро омӯхтаанд, ҳуҷҷати ронандагӣ тақдим гардид.
Ба ифтихори ин рӯз аз ҷониби бахши фарҳанги ноҳия барномаи рангини ҳунарӣ, ки ба ситоиши Ватан — Модар бахшида шуда буд, пешкаши ҳозирин гардид.
Ҳамчунин аз ҷониби сарбозони қисми ҳарбии Қӯшунҳои дохилии Вазорати корҳои дохилӣ машқҳои ҳарбӣ намоиш дода шуданд.
АКС: Мақомоти иҷроияи ҳокимияти давлатии ноҳияи Варзоб
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
32-СОЛАГИИ ҚУВВАҲОИ МУСАЛЛАҲИ ТОҶИКИСТОН. Дӯст доштани Ватанро бо хизмати содиқонаю софдилона ба он собит намоем
ЯК РӮЗИ ҲАЁТИ САРБОЗ. Дар қисмҳои низомӣ барои хизмати ҳарбӣ шароит муҳайё мебошад
Афсарону сарбозон дар Осорхонаи миллӣ бо таъриху фарҳанг ва дастовардҳои замони соҳибистиқлолӣ шинос шуданд
