35-СОЛАГИИ ИСТИҚЛОЛИЯТИ ДАВЛАТӢ. Роҳи мошингарди Деҳмой-Конибодом ба масофаи 51 километр навсозӣ мешавад
ДУШАНБЕ, 19.07.2024 /АМИТ «Ховар»/. Бахшида ба ҷашни 35-солагии Истиқлолияти давлатӣ роҳи мошингарди Деҳмой-Конибодом ба масофаи 51 километр ва паҳноии 25 то 45 метр навсозӣ мегардад. Роҳи мазкур аҳамияти байналмилалӣ дошта, мутобиқ ба стандартҳои ҷаҳонӣ бунёд карда мешавад. Тибқи лоиҳа, дар доираи корҳои роҳсозӣ бунёди 11 пули мошингузар низ ба нақша гирифта шудааст, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Раиси вилояти Суғд Раҷаббой Аҳмадзода зимни сафари корӣ ба шаҳри Конибодом бо ҷараёни корҳои ободонию созандагӣ шинос гардид. Аз ҷумла, зимни шиносоии Раиси вилоят бо рафти корҳои мумфаршкунӣ дар роҳи мошингарди Деҳмой-Конибодом, дар қитъаи Конибодом-Кӯчкак иттилоъ дода шуд, ки роҳи мазкур бо ҷалби мутахассисони ватаниву хориҷӣ навсозӣ шуда истодааст. Раҷаббой Аҳмадзода иброз дошт, ки «дар асоси дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон барои рушди деҳот ва таъмин намудани шароити хуби зист барои аҳолӣ тадбирҳои муҳим андешида мешаванд, бунёди роҳҳо, мактабу кӯдакистон, бунгоҳҳои тиббӣ ва марказҳои савдою хизматрасонии маишӣ аз ҷумлаи онҳо мебошанд».
Раиси вилоят барои татбиқи босифати лоиҳа ва тозаву озода нигоҳ доштани шафати роҳи мазкур ба масъулин супоришҳо дод.
Дар идома роҳбари вилоят бо ҷараёни татбиқи лоиҳаи хатти оби полезӣ, сохтмони бинои Муассисаи таҳсилоти миёнаи умумии рақами 48 барои 480 нафар, кӯдакистонҳо, тарабхонаи замонавӣ, коргоҳи пойафзолбарорӣ ва коргоҳи коркарди мева шинос шуда, барои бо сифати баланд омода намудани иншооти ҷашнӣ ба роҳбарияти шаҳр ва масъулини дахлдор дастур дод.
АКС: Хадамоти матбуоти Раиси вилояти Суғд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон дар тантанаи идона ба ифтихори 33-солагии Истиқлоли давлатӣ дар ноҳияи Рашт
Сарвари давлат Эмомалӣ Раҳмон дар ноҳияи Рашт дар барномаи театришуда бахшида ба таҷлили 33-солагии Истиқлоли давлатии Ҷумҳурии Тоҷикистон иштирок намуданд
Президенти мамлакат Эмомалӣ Раҳмон дар ноҳияи Рашт бинои Ҷамоати деҳоти Боқӣ Раҳимзодаро ба истифода доданд
Пешвои миллат Эмомалӣ Раҳмон дар ноҳияи Рашт Муассисаи таҳсилоти миёнаи умумии №54-ро мавриди истифода қарор доданд
Сарвари давлат Эмомалӣ Раҳмон дар ноҳияи Рашт ба ятимон туҳфаҳо тақдим намуданд
Президенти мамлакат Эмомалӣ Раҳмон дар ноҳияи Рашт биноҳои маркази саломатӣ, беморхонаи марказӣ ва маркази ташхису табобатиро мавриди истифода қарор доданд
Пешвои миллат Эмомалӣ Раҳмон дар ноҳияи Рашт майдони Парчам ва Нишони давлатиро ба истифода доданд
Сарвари давлат: «Сатҳи таъмини муассисаҳои таълимӣ бо кабинетҳои фаннӣ ва озмоишгоҳҳои Тоҷикобод беҳбудии ҷиддиро тақозо менамояд»
Эмомалӣ Раҳмон: «Дастрасӣ ба маблағҳои қарзии дарозмуҳлат омили муҳими ноил шудан ба ҳадафи саноатикунонии босуръати мамлакат аст»
Бахшида ба 35-солагии Истиқлолияти давлатӣ дар ноҳияи Лахш 124 иншоот бунёду таҷдид мегардад
Дар замони соҳибистиқлолии Тоҷикистон беш аз 250 ҳазор духтарон муассисаҳои таҳсилоти олиро хатм намуданд
ВАЗЪИ ИҶТИМОИЮ ИҚТИСОДИИ НОҲИЯИ РАШТ. Ҳаҷми истеҳсоли маҳсулоти саноатӣ дар ноҳия аз 2,3 ба 74,6 миллион сомонӣ баробар гардид
